لاس رسیدونکی لینک

اشرف غني د اسیا زړه کانفرنس کې په پاکستان نیوکې کړي


اشرف غني دا هم وویل چې اوس هم په سیمه کې یو شمېر هېوادونه ترهګرو ډلو ته پناه ورکوي او ملاتړ یې کوي.

د افغانستان په اړوندد اسیا د زړه شپږم کانفرنس د هند په امرتسر ښار کې پېل شوی، افغان صدر اشرف غني او د هند وزیراعظم نریندرا مودي په ګډه د دغه غونډې پرانسته کړې ده .

غونډې ته په وینا کې افغان صدر اشرف غني په افغانستان کې د ترهګرۍ یادګېرنه وکړ ه چې ملک يې اوس هم د ترهګرۍ د ګواښونوسره مخ دی.

اشرف غني وویل د اسیا د زړه کانفرنس هم په داسې حال کې راجوړ شوی چې افغانستان کې د ترهګرۍ د ګواښونو سره نزدې ۳۰ ترهګرې ډلې هڅه کوي چې په افغانستان کې ځالې جوړې کړي.

ښاغلي غني په خپله وینا کې د پاکستان په اړوند وویل چې پاکستان افغانستان ته د ۵۰۰ملینه ډالرو ورکولو اعلان کړی دی خو نوموړي په غونډه کې ګډون کوؤنکي د پاکستان د وزیراعظم د باندنیو چارو مشاور سرتاج عزیز ته په مخاطب کولو سره وویل غوره به دا وي چې دغه پیسې پاکستان د ترهګرۍ په ضد وکاروي.

اشرف غني دا هم وویل چې اوس هم په سیمه کې یو شمېر هېوادونه ترهګرو ډلو ته پناه ورکوي او ملاتړ یې کوي.

افغان صدر وویل د طالبانو مشرانو په خپله دا خبره کړې ده چې که دوي ته په پاکستان کې د پناه ځای مېلاؤ نه شو نو دوي به یوه میاشت هم پاتې نه شي.

اشرف غني په سیمه کې د ترهګرۍ د مخنیوي دپاره د یو فنډ جوړولو تجویز هم وړاندې کړو کوم چې د هغه په وینا نه یواځې د افغانستان بلکې د اسیا د امنیت دپاره مرستندویه ثابتېدی شي.

د اسیا د زړه کانفرنس ته په وینا کې د هند وزیراعظم نریندرا مودي وویل ، ترهګري او په بهرني توګه پېدا کړی شوې بې ثباتي د افغانستان د سولې، ثبات او خوشحالۍ دپاره تر ټولو غټه خطره ده، او دغه ترهګرۍ ټوله سیمه په خطره کې اچولې ده.

مودي وویل افغانستان کې د سولې دپاره یواځې غږ پورته کول پوره نه دي بلکې دا ګډې ژمنې ته اړتیا لري.

د اسیا د زړه کانفرنس کې د پاکستان استازیتوب د وزیراعظم د بهرنو چارو مشارو سرتاج عزیز کوي.

سرتاج عزیز کانفرنس ته په وینا کې وویل پاکستان په افغانستان کې د تل پاتې امن دپاره د هر ډول ممکنه مرستو ته تیار دی او زیاته يې کړه افغان حکومت باید د پاکستان پرضد د بې اثاثه تورونو لګولو څخه ډډه وکړي.

نوموړي وویل د افغانستان په اړوند د ګډې او بامقصده تګ لارې په جوړولو زور راوړو.

د اسیا د زړه کانفرنس کې د ۴۰ هېوادونو نه د زیاتو ملکونو استازي ګډون کوي.

XS
SM
MD
LG