دافغانستان پولې ته نزدې دپاکستان دقبائيلي سيمې خېبرايجنسۍ تيراه سيمه کې ديوې بمي چاودنې له امله يو تن وژل شوى دى.
دامنيتي سرچينو وينا ده چې دغه چاودنه دتيراه دذخه خيل بازار کې شوې ده چې پکې يو تن وژل شوى او يو ژوبل شوى هم دى.
سيمې پورې ميډيا رسد نه لري چې له دې امله په ازادانه توګه ددغه چاودنې او پکې درامينځته شوې مرګ ژوبلې پخلى نه شي کيدى.
له دې وړاندې هم دپاکستان قبايلي سيمو کې بمي چاودنې ترسره شوي چې پکې په سلګونو خلکو خپل ژوند دلاسه ورکړى دى.
