امريکايي هوايي پوځ ويلي دي دنهې په ورځ شمالي کيلي فورنيا کې يو”يو دوهمه“ جاسوسي الوتکه راغورځيدلې او تباه شوې چې له امله يې يو پايلټ وژل شوى او دوهم ژوبل شويدى.
دبيل اير فورس دهوايي اډې سره تعلق لرونکي دغه پايلټان په يو تربيتي مشن وؤ چې دالوت څخه سمدستي وروستو الوتکه دحادثې ښکار شوه،دغه پيښه دسيکريمنټو څخه خواوشا ٩٧ کلو ميټره لرې شمال کې موقعيت لرونکي دسوتر بوتى په غرونو کې رامينځته شوې ده.
”يو دوهمه“ الوتکه دجاسوسۍ او څارنې لپاره کارولى شي، کومه چې دزيات لوړ الوت توان لري،دا استخباراتي تجزيه کارو او دجګړې ميدان کې موجودو کمانډرانو لپاره عکسونه او اليکټرانک سګنل راټولوي.
