ایران هغه ایټمي ساينسپوه (ساينسدان) اعدام کړی په چا چې تور ؤ د تهران د لانجمن ايټمي پروګرام پټ معلومات يې امریکا ته ورکړي وو .
د ایران دولتي میډیا ارنا د اتوار په ورځ پخلی کړی چې شهرام امیري اعدام کړی شوی دی .
د ایران عدالتي ویاند غلام حسېن محسني اژه اي ویلي ، ( د هغه تماس د امریکې سره ؤ، امیري دښمن ملک ته د ایران مهم معلومات ورکړي ؤ .
اژه اي ویلي عدالت امیري ته د مرګ سزا اورولې وه او د ایران سترې محکمې هم دغه فېصله تاييد کړه .
امیري په کال ۲۰۰۹م کې سعودي عرب ته تلی او یو کال وروستو امریکا ته منتقل شوی ؤ. امریکايي چارواکو ویلي ؤ امیري ته يې پینځه ملینه ډالره ورکړي ؤ چې ایران پرېږدي او د ایران د ایټمي پروګرام په اړه ورته معلومات ورکړي .
امریکايي چارواکي په کال ۲۰۱۰م کې ویلي ؤ امریکا د امیري نه ګټور معلومات ترلاسه کړي وو .
امیري د پوهنتون څیړونکی او د اټامک انرجۍ ادارې سره يې کار کولو، هغه په کال ۲۰۱۰م کې بغېر د پېسو د امریکا نه تښتېدلی او د نیولو وړاندې د ایران چارواکو د اتل په توګه د هغه هرکلی کړی ؤ .
هغه ایراني چارواکو ته ویلي ؤ چې هغه په سعودي عرب کې د امریکا استخباراتي ادارې (سي ايي ای) نیولی او امریکا کې بند ؤ .
ایراني چارواکو ویلي ایټمي پروګرام يې د عدم تشدد په موخه جوړ کړی ؤ . امریکا ویلي چې تېر کال د پلټنو په مهال د ایران په پوځي اډه کې د یورینم زرات موندل شوي وو او کېدی شي دا د ایران د پټ ايټمي وسلو د پروګرام نه پاتې شوې وې .
د دې ترڅنګ تېر کال امریکا او نور پينځه قوتونه ایران سره په یو تړون موافقه شوي ؤ چې ایران به خپل ایټمي پروګرام محدودوي او ایټمي وسلو ته به وده نه ورکوي او بدل کې يې ایران باندې لګېدلي معاشي بندیزونه لرې کړی شوي وو .