د برطانيې وزيراعظم ډېوډ کېمرون د چوکۍ پرېښودو وروستو تهريسامی د دغه هېواد نوې وزيراعظمه جوړه شوې ده .
د يورپي يونين په اړه د رېفرنډم د نتيجو وروستو د برطانيې دواړو غټو سياسي ډلو د وزيراعظمۍ دپاره زغل کوؤ خو اخر چې د واکمنه ډلې ټوري تهيريسامی د برطانيې ۷۶م وزيراعظمه جوړه شوه .
تهيريسامی د برطانيې دوېمه ښځينه وزيراعظمه جوړه شوه، له دې وړاندې مارګرېټ تهيچر د کال ۱۹۷۹م ۱۹۹۰م پورې وزيراعظمه پاتې شوې وه .
د وزيراعظم د ماڼۍ نه بهر ۵۹کلنې نوې وزيراعظمې تهيريسامی وويل هغه به د يو قوم د حکومت مشري کوي .
د وزيراعظم په حېث خپله وړومبۍ وينا کې هغې وويل حکومت به يې د کارکوؤنکې طبقې دپاره کار کوي . او زياته يې کړه چې په ګډه به يوه غوره برطانيه جوړوي چرته چې يواځې د شته منو نا بلکې د هر چا د ګټو دپاره کار کيږي .
هغې ويلي چې برطانيه به د يورپي يونين نه بهر د خپل ځان دپاره يو قوي کردار ادا کوي او منلې يې ده چې مونږ د يو لوې بدلون د وخت سره مخامخ يُو .
ډېوډ کېمرون د ټِن ډاؤننګ سټريټ پرېښودو په وروستۍ وينا کې ويلي د برطانيې وزيراعظمي زما د ژوند تر ټولو لوې اعزاز دی او زياته کړې يې ده مسز می به غوره مشري وکړي .
