دامریکا جمهور رئیس باراک اوباما خپل د اروپا سفر رالنډ کړی اؤ راتلونکې اوونۍ کې به د ټیکساس ډیلاس ښار ته ځي.
په ډیلاس کې د یو تور پوستي وګړي د پولیس دلاسه د وژل کیدو نه وروستو حالات تاوژن شوي دي اؤ دغلته د راپاریدلو مظاهرینو سره لخوا پینځه پولیس عسکر وژل شوي دي.
د سپینې ماڼۍ له لوري د جاري کړل شوي یو بیان له مخې صدر اوباما چې پولینډ کې دناټو په غونډه کې د ګډون دپاره کوم سفر کړی دغه ټاکل شوی سفر یې رالنډ کړی اؤ اوس به په سپین کې د لنډې دمې کولو پرته د اتوار په ورځ بیرته وطن ته راستنیږي .
صدر اوباما په خپلو فرائضو ترسره کوونکو پولیس عسکرو حمله یو د وحشت ډک ناوړه عمل ګرځولی اؤ امر یې کړی چې د وژل شوؤ اؤ ژوبل شوؤ عسکرو په ویاړ دې ملي بیرغ تر څلورو ورځو په ټولو سرکاري اؤ شخصي ودانیو نیم کښو وساتل شي.
د امریکه د کورنیو چارو د امنیت وزیر جی جانسن د جمعې په ورځ وئیلي وؤ د برید کوونکي هیڅ یو بین المللي ترهګر تنظیم سره تړون واضحه شوی نه دی اؤ د هغه په وینا "د تشدد کله هم څه جواز نه شي جوړیدی"
د ټیکساس ګورنر ګریګ ایبټ وايي په داسې حال کې چې برید کوونکی وژل شوی د قانون پځایې کوونکو ادارو مامورین دې ددې خبرې پلټنه وکړي چې برید کوونکي سره په دغه پلان کې نور څوک شامل وؤ اؤ چا یې مرسته کړې ده.
د برید کوونکي پیژندګلو د میکا جانسن په نوم شوې ده پولیسو د جمعې په ورځ ددغه تن د کور لټه کړې ده چې پکې ورته د بمونو جوړونکي مواد، ټوپکې د جنګي تګلارو په هکله لیکل ترلاسه شوي دي.
