لاس رسیدونکی لینک

بنګله دېش کې د ۲۵۰۰ نه زيات مشکوک وسله وال نيول شوي


په سرکاري توګه ازاده خياله ملک بنګله دېش کې ۹۰ فيصده ابادي د مسلمانانو ده .

د بنګله دېش چارواکو ويلي په ملک کې د لږکيو او ازاد خيالو فعالانو باندې د تازه بريدونو نه وروستو د خالي په ورځ عملياتو کې ۳۷ مشکوک جهاديان نيول شوي دي .

پوليس سرچينو وئيلي د جمعې په ورځ پېل شوؤ د مشکوک سخت دريزو په ضد عملياتو کې د ۲۵۰۰ نه زيات کسان نيول شوي دي .

يو مشر پوليس افسر ويلي عملياتو کې وسله او چاودېدونکي مواد هم په ولقه کې اخستی شوي دي .

د بنګله دېش وزيراعظمې شېخ حسينه واجد د امر چې " هر وژونکی دې ونيول شي" د هغې نه پس دا عمليات ترسره شوي دي .

په وروستيو کې د بنګله دېش د پلازمينې ډهاکې نه تر لرې پرتو سيمو پورې د وژنو پېښې رامنځته شوي دي .

د جمعې په ورځ شمال ختيځې ضلع پانبا کې يو هندو په چاکوانو وژل شوی ؤ ، د څارنې يوې امريکايي ادارې د خالي په ورځ ويلي د داعش تُندلارو د پېښې زمه واري قبوله کړې ده .

تېره اونۍ د ترهګرۍ په ضد عمليات کوؤنکي يو افسر ښځه وژل شوې، د هندو مشر مړی مېلاؤ شوی او يو عيسايي وژل شوی ؤ .

د خالي په ورځ په زرګونو هندوانو، د بدهـ مت منونکو او عيسايانو په ډهاکه کې د تازه رامنځته شوؤ پېښو په ضد احتجاجي مظاهره کړې ده .

تازه پېښو کې د مذهبي لږکيو سره فعالان، ازاد خياله پروفېسران او بلاګران هم وژل شوي دي .

د نهې په ورځ ډهاکه کې په عملياتو کې د داعش د درې وسله والو د وژنې ادعا شوې وه .

بنګله دېش کې د رامنځته شوؤ ځينو پېښو زمه وارۍ داعش او القاعده قبولې کړي دي ولې بنګله دېشي چارواکي وايي چې بهرنۍ ترهګرې ډلې يې په ملک کې فعاليت نه لري .

د دې په ځاې چارواکي ځايي تُندلاري او سياسي مخالفين په دغو پېښو تورن کوي .

په سرکاري توګه ازاده خياله ملک بنګله دېش کې ۹۰ فيصده ابادي د مسلمانانو ده .

XS
SM
MD
LG