ترک وزيراعظم بنالي يلدريم دشورو په ورځ ويلي دسوريې دپولې ترڅنګ دپوليسو ديوې تاڼې څه بهر شوې بمي چاودنه کې يو پوليس افسر او دوه اولسي وګړي وژل شوي دي، پيښه کې ٣٠ کسان ژوبل شوي هم دي.
کرد اکثريتي جنوب ختيزې سيمې مديات کې دپيښې ځايې ته په ګڼ شمير کې ايمبولينسونه ليږل شوي دي.
ترک وزيراعظم ددغه بريد پړه په کرد جنګيالو اچولې، دپي کى کى په نوم ډلې له دې وړاندې په ترک پوځ او پوليسو بريدونه ترسره کړي دي.
ترک وزيراعظم دغه څرګندونې وروستو له هغې کړي چې يوه ورځ دمخه استنبول کې ترسره وې چاودنه کې دژوبل شوو کسانو پوښتنې له ورغى، دغه چاودنه کې ١١ کسان وژل شوي وو او ٣٦ نور ژوبل شوي وو.