نايجر ويلي د جمعې په شپه ناوخته د بوکوحرام په لسګونو تُندلارو د نايجيريا او چاډ سره په پوله ۷۰ کلوميټره لرې د پوځ په يو کېمپ بريد کړی ۳۲ عسکر يې وژلي او ۷۰ پورې نور يې ژوبل کړي دي .
د نايجر د دفاع وزارت ويلي بريد کوؤنکو د بوسو سره نزدې کورونه او سټورونه سوځولي او د خالي په سحر د وسلې سره تښتېدلي دي .
بوکوحرام د بريد زمه واري قبوله کړې او د ۳۵ عسکرو د وژنې دعوه يې کړې ده . نايجيريا کې فعاليت لرونکو اسلامي تُندلارو تېر کال د تُندروه ډلې داعش د ملاتړ اعلان کړی ؤ .
د نايجر پوځ په ځواب کې فضايي او ځمکنۍ حملې کړي او د فرانس خبري ادارې د دفاع د چارواکو دخلې ويلي په بريدونو کې ۱۹ حمله کوؤنکي وژل شوي دي .
د چاډ بېسن په ډنډ (جهيل) باندې مشهور دغه سيمه کې بوکوحرام د کال ۲۰۰۹م نه پس په سلګونو بريدونه کړي چې ۲۰زره خلک پکې وژل شوي او درې ملينو نه زيات بې کوره شوي دي .
تُندلارې ډله په نايجيريا کې د اسلامي رياست جوړولو په لټه کې ده .