لاس رسیدونکی لینک

پاناما ليکس کې د نورو پاکستانيانو نومونه مخې ته راغلي


تېره مياشت په لمړي ځل پاناماليکس انکشافات کړي وو چې پکې ويل شوي وو، مالدار خلک خپل مال څه رنګ په بهر ملکونو کې پټوي او ځان د ټېکسونو نه بچ کوي .

انټرنيشل کنسورشيم اف انويسټيګېټيو جرنلسټس (ائي سي ائي جی) د پاناما پېپرز نور معلومات خپاره کړي دي په کوم کې چې د نورو دوه لاکه اف شور شرکتونو تفصيلات ورکړی شوي دي .

ائي سي ائي جی د ګل په ورځ د موساک فونسيکا نه ليک شوؤ نورو خپرو کړو اسنادو کې د پاکستان د ۲۵۹ کسانو نومونه هم شامل دي .

د ائي سي ائي جی په ويب پاڼه د پاکستان د اف شور شرکتونو په تفصيل کې درې پاکستاني شرکتونه، ۱۵۵ پتې (درکونه) او ۲۵۹ نومونه شامل دي .

تېره مياشت په لمړي ځل پاناماليکس انکشافات کړي وو چې پکې ويل شوي وو، مالدار خلک خپل مال څه رنګ په بهر ملکونو کې پټوي او ځان د ټېکسونو نه بچ کوي .

د پاناماليکس په لمړو انکشافاتو کې د نړۍ د يو شمېر مهمو مشرانو ترڅنګ د پاکستان وزيراعظم نوازشريف د بچو نومونه هم مخې ته راغلي وو .

پاناما پېپرز کې د نوازشريف د بچو د نومونو مخې ته راتلو پس نوموړي قام ته په ټيلي ويژن وينا کې د پاناماليکس د پلټنو دپاره د سترې محکمې يو پخواني جج په مشرۍ د کميشن جوړولو اعلان کړی ؤ ولې مخالفه ډلو دوزيراعظم دغه اعلان رد کړی او په دې خبره ټينګار کوي د سترې محکمې د مشر قاضي په مشرۍ دې کمېشن جوړ کړی شي .

حکومت او مخالفه ډلې تراوسه پورې د پاناما پېپرز د پلټنو کولو په خبره نه دي صلاح شوي ځکه چې په دغې معامله د داړو خواؤ وړانديزونه د يو بل نه مختلف دي .

پارلمان کې د مخالفه ډلو مشر خورشيد شاه د ګل په ورځ وئيلي وزيراعظم دې راشې او پارلمان دې په اعتماد کې واخلي نوموړي وئيلي څو پورې چې وزيراعظم پارلمان ته نه وي راغلی تر هغې به اپوزيشن ډلې هم د احتجاج په توګه غونډه کې ګډون نه کوي .

ائي سي ائي جی وئيلي د ګل په ورځ د جاري کړی شوؤ اسنادو په پايله کې په لويه پېمانه د اثراتو مخې ته راتلو امکان دی . د صحافيانو تنظيم ته د پانامالافرم يو کروړ او ۱۵ لاکه اسناد ورکړی شوي دي .

د ائي سي ائي جی مرستيالې مشرې مرينه واکرګويرا د ګل په ورځ وايس اف امريکا ته وئيلي " زما په خيال په دې کې غټ معلومات دا پټ دي چې مونږ يې خلکو ته ورسوؤ ".

ائي سي ائي جی د ګل په ورځ خپله ويب پاڼه باندې د دوه لاکه اف شور اکاؤنټونو تفصيلات ورکړي دي، د دغو اکاؤنټ لرونکو تعلق د ۲۰۰ نه زياتو ملکونو سره دی . په تفصيلاتو کې د اف شور شرکتونو لرونکو معلومات ورکړی شوي دي خو په دې کې يواځې نوم، ملک او پته معلومېدی شي . بېنک اکاؤنټونه او شخصي معلومات پکې نه دي په ډاګه کړی شوي .

د صحافيانو تنظيم ائي سي ائي جی کې د ۸۰ ملکونو سره تعلق لرونکي ۳۷۰ صحافيان يوځاې شوي څوک چې د ۱۰۰ نه زياتو خبري ادارو سره اړونده دي .

اف شور شرکتونو کې د ۱۴۰ سياست مدارو د نومونو ترڅنګ په دوې کې ۱۲موجوده يا پخواني سياسي مشران، ارب پتي کسان ، د لوبو د دنيا ستوري، د نشه يي توکو قاچاقبر او مافيا هم شامل دي .

په دې فهرست کې لږ ترلږه ۳۳ کسان او شرکتونه داسې دي چې د امريکې حکومت پرې بندېز لګولی دی .

XS
SM
MD
LG