دسوريې شمالي ښار حلب کې دخالي په ورځ دياغيانو تر قبضې لاندې سيمو کې دسوريې دحکومت دجنګي الوتکو او ګن شپ هيلي کاپټرو څخه ٣٠ هوايي بريدونه شوي چې پکې لږ ترلږه پينځه کسان وژل شوي دي.
برطانيه کې دقايمې سوريې په حالاتو نظرساتونکې ادارې سيرين آبزرويټري فار هيومن رائټس ترمخه د٢٢ اپريل څخه تر دې مهاله دغه ښار کې دګوله بارۍ، راکټ فاير او هوايي بريدونو له امله خواوشا ٢٥٠ اولسي وګړي وژل شوي، دې کې لږ ترلږه پنځوس کسان هاغه مهال وژل شوي وو کله چې په يو روغتون هوايي بريد شوى و.
په عين حال کې دامريکا دبهرنو چارو وزير جان کيري داتوار په ورځ جنيوا ته ځي چرته چې به هغه دسوريې په وضعيت خبرې کوي.
دامريکا خارجه محکمې دخالي په ورځ يو بيان کې ويلي دي جان کيري به دروانو هلو ځلو لړ کې خبرې کوي ترڅو سوريه کې داوربند په معامله پرمختګ وشي.
دسوريې دحکومت يو بيان کې ويل شوي دي دغه اوربند په دخالي په ورځ دسيمه ييز وخت مطابق دغرمې يوه بجي پيل کيږي او دمشق او ختيزه غوطه کې به تر يو شواروز پورې دوامداره وي،بيان کې ويل شوي لاذقيه ولايت کې هم ددغه رقم اوربند تر ٧٢ ساعتو دپځايې پاتې کيدو هيله ده.
