صوماليه کې چارواکو وئيلي د القاعده سره اړونده الشباب ډلې دوه تُندلارو ته د ډزو د لارې د مرګ سزا ورکړل شوې ده . دوې تېر کال په موټري بمي چاؤدنه کې يوه خبرياله وژلې وه .
۳۷کلن حسن نورعلي او ۲۸کلن عبدالرزاق محمدبارو ته د پوځي عدالت لخوا د سزا اورولو پس هغوې ته په موغادېشو کې سزا ورکړل شوې ده .
د سزا ورکړی کېدو پس د پوځي عدالت مرستيال جج عبدالحئې حسېن محمد مطبوعاتو سره خبرو کې وويل اخر چې مجرمانو ته سزا ورکړی شوه .
"دواړه د خبريالې هينديوحاجي محمد په وژنه کې ککړ مجرمان ثابت شوي وو د چا ګاډی چې د بارودي موادو د لارې الوزول شوی ؤ ، او دوې ته سزا ورکړل شوه " .
د کال ۲۰۱۵م د دسمبر په مياشت کې د هينديو د وژنې نه څو ورځې پس دواړه کسان نيول شوي وو .
هينديوحاجي محمد د دوه سرکاري خبري ادارو ريډيو موغاديشو او صومالي نيشنل ټيلي ويژن سره کار کوؤ . د هغې د موټر د سيټ لاندې بم اېښودل شوی او د چاؤدنې په نتيجه کې يې هغه وژل شوې وه .
د ځايې خبريالانو ترمخه هغه د صوماليه انټرنيشنل پوهنتون نه بيرته روانه وه چرته چې هغې زده کړې کولې، په هدف شوې وه . هغه د يو خبريال کونډه وه څوک چې په کال ۲۰۱۲م کې موغادېشو کې يو بريد کې وژل شوی ؤ .
هينديو د صوماليه په هغو څو ښځو کې شمار وه چې د صحافت پېشه يې خپله کړې چرته چې زياتره سړي دي . د کال ۲۰۱۰م نه پس په صوماليه کې د خبريال دا ۳۸م وژنه وه .