د پاکستان خېبر پښتونخوا صوبې سر ښار پېښور کې نن د زيارت په ورځ سحر د سړک غاړې ښخ بمي چاودنه کې يو پوليس وژل شوی او د دوه نورو پوليسو په ګډون درې تنه ژوبل شوي دي .
د پېښور پوليس چارواکي وائي د ښار بدو ثمر باغ سيمه کې د پوليو کمپائن روان وو او پوليس په موبائيل کې د پوليو کارکوؤنکو په ساتنه مامور وو چې د بمي چاودنې ښکار شو .
چارواکي وائي د پېښې وروستو په سيمه کې د پوليو ضد روان کمپائن ځنډول شوی نه دی د معمول مطابق د پوليو ټيمونه کورپه کور ګرځي او د پينځوؤ کالو نه کم عمره ماشومانو ته څاڅکي ورکوي .
د پېښې زمه واري تر دې دمه چا نه ده قبوله کړې .
له دې وړاندې هم د خېبرپښتونخوا صوبې او د پاکستان په نورو برخو کې د پوليو کارکوؤنکو او د دوي په ساتونکو پوليس باندې وژونکي حملې شوي دي .