لاس رسیدونکی لینک

د داعش د مهم مشر د وژنې پخلی کوؤ ، امريکا


دغه تُندروه مشر د ابوعمر الشيشاني يا (عمر دې چيچن) په نوم هم پېژندل کيږي .

امريکا تېره اونۍ په شام کې ترسره شوؤ فضايي بريدونو کې د تُندروه ډلې داعش د يو مهم مشر د وژنې د پخلي هڅې کوي .

د پېنټاګون وياند پيټرکک وئيلي چې اتحاديانو د جمعې په ورځ د الشدادي نومې علاقې سره نزدې فضايي عمليات کړي د دکومو هدف چې ترخان بشيريشويلي وو .

دغه تُندروه مشر د ابوعمر الشيشاني يا (عمر دې چيچن) په نوم هم پېژندل کيږي .

وياند کک وئيلي چې د عراق او شام په پوله پرتو سيمو کې داعش ته د اتحادي او ځايي ځواکونو لخوا د ماتې ورکولو نه پس د بشيريشولي ډله دغلته لېږل شوې وه ، او د فضايي عملياتو په مهال هغه دغلته موجود ؤ .

يو امريکايي چارواکي د نوم نه څرګندولو په شرط وايس اف امريکا ته وئيلي چې دغه تُندروه مشر دې علاقې ته د جنګيالو يو ځايې کولو او د هغوې د حوصلو اوچتولو دپاره لېږل شوی ؤ .

د چارواکي په وينا ترسره شوؤ فضايي عملياتو کې د داعش لږ ترلږه ۱۲ تُندلاري وژل شوي وو .

امريکا د ابوعمر الشيشاني په سر ۵۰ لاکه ډالره انعام اېښودی ؤ .

دغه خبرونه په داسې وخت کې مخې ته راغلي چې تېره اونۍ د حلب سره نزدې يو فضايي بريد کې د داعش کمانډر امرالعبسي د وژنې وئيل شوي وو .

امريکايي چارواکو وي اواې ته وئيلي چې د العبسي د وژنې پخلی نه شي کولی او که چرته هغه په هوايي بمبار کې وژل شوی هم وي نو دغه عمليات امريکا نه دي کړي .

XS
SM
MD
LG