لاس رسیدونکی لینک

صوماليه: امريکايي ډرون حمله کې د الشباب ۱۵۰جنګيالي وژل شوي


ډيوس وئيلي د لمړو معلوماتو ترمخه بريد کې ۱۵۰ ترهګر جنګيالي وژل شوي دي .

پينټاګون وئيلي منځنۍ صوماليه کې امريکايي ډرون بريد کې د الشباب د ۱۵۰ نه زيات تُندلاري وژل شوي چا چې په غټه کچه د بريدونو تياري کوله .

د پينټاګون وياند کپتان جېف ډيوس د ګل په ورځ خبريالانو ته وئيلي چې د اونۍ په اخرنۍ ورځ د پلازمينې موغادېشو نه په ۱۹۵کلوميټره فاصله لرې د الشباب تربيتي کېمپ په هدف شوی دی .

هغه وئيلي چې امريکايي استخباراتو خبر ورکړی ؤ چې تُندلارو ته د بريدونو روزنه ورکول کېده . او دوې په صوماله کې د امريکې او افريقايي يونين دپاره د خطرې سبب جوړېدو .

ډيوس وئيلي د لمړو معلوماتو ترمخه بريد کې ۱۵۰ ترهګر جنګيالي وژل شوي دي .

د ډيوس په وينا امريکا د څو اونو راهسې د دغه کېمپ څارنه کوله او دا چې د دوې روزنه پايې ته رسېده د دويې په ضد حمله وکړی شوه .

په سيمه کې د صومالي پوځ کمانډر کرنل محمدعمر د ۶۹ وسله والو د وژنې او د ۴۲ ژوبلېدو خبر ورکړی خو د دې سره يې د وژنو زياتېدو هم وئيلي دي .

د وايس اف امريکا صومالي سروس د اتوار په ورځ وئيلي فضايي حمله د هيران په منځنۍ علاقه د دهاريو په کلي کې جوړ تربيتي کېمپ باندې شوې ده .

دغه اسلامي وسله واله ډله د کال ۲۰۰۷م نه دحکومت د نسکورولو دپاره جنګيږي .

امريکا د دغه ډلې په ضد يو شمېر فضايي حملې کړي دي ، چې پکې په ستمبر کال ۲۰۱۴م کې د ډلې مشر احمدعبدي ګوداني هم وژل شوی ؤ .

XS
SM
MD
LG