لاس رسیدونکی لینک

پاکستان سُپر ليګ اسلام اباد يونائټډ وګټلو


پي اېس اېل کې ټول پينځه ټيمونه ؤ ، پېښورزلمي، کوئټه ګلېډي اېټرز، اسلام اباد يونائټډ، کراچي کنګز او لاهور قلندر.  

د پاکستان سُپرليګ (پي اېس اېل) لمړي ټي ټيونټي کرکټ ټورنامنټ په فائنل مېچ کې د اسلام اباد يونائټډ ټيم د کوئټه ګلېډي اېټرز ټيم ته په شپږو وکټو ماتې ورکړه، او د پي اېس اېل اتل شو .

د متحده عرب اماراتو د دوبۍ په کرکټ مېدان کې د اسلام اباد يونائټډ او کوئټه ګلېډي اېټرز ټيمونو ترمنځ فائنل مېچ کې د کوئټې ټيم لمړی بيټګ کړی او په ټاکلو ۲۰ اوورونو کې يې په اووه لوبغاړو اؤټ کېدو ۱۷۴ رنزونه جوړ کړي وو .

د کوئټې د ټيم په ځواب کې د اسلام اباد ټيم دوه لوبغاړو ډېوائن سمتهـ ۷۳ او برېډهېډن ۶۱ رنزونه جوړ کړل او د ټيم په ګټه کې يې مهم رول ولوبوؤ.

دغه رنګ د اسلام اباد ټيم ټاکلی هدف ۱۷۴ رنزونه په څلورو لوبغاړو اؤټ کېدو په ۱۹م اوور کې پوره کړو او په شپږو وکټو يې فائنل کې د کوئټې ټيم ته ماتې ورکړه .

د کوئټه ګلېډي اېټرز څلورو بالران په يو يو وکټ اخستو کې کامياب شو .

د کوئټې د ټيم په لمړي بيټنګ کې احمدشهزاد۶۴ او سنګاکارا ۵۵ رنزونه جوړ کړي او ښه لوبه يې کړې وه .

او د اسلام اباد په بالرانو کې انډری رسل درې، محمدعرفان دوه، بډري او محمدسميع يو يو وکټ اخستی ؤ .

که څه هم د پي اېس اېل په ټولو سيالو کې د کوئټه ګلېډي اېټرز غوره کارکردګي کړې وه او فائنل ته اسانۍ سره رسېدلی خو فائنل کې يې ماتې وخوړه .

پي اېس اېل کې د پېښور زلمي ټيم هم د غوره کارکردګۍ مظاهره کړې وه ولې د پلی اپ په مېچ کې ورته اسلام اباد يونائټډته ماتې ورکړې او فائنل ته رسېدلی ؤ ، دغه رنګ له دې وړاندې د کوئټې ټيم په ناک اؤټ مېچ کې د پېښور ټيم ته ماتې ورکړې او فائنل په رسېدو کې کامياب شوی ؤ .

په متحده عرب اماراتو کې د پي اېس اېل د پرانستې د ورځې په رنګ د فائنل (اخري) مېچ په مهال په ميدان کې په لويه شمېره کې خلک د مېچ کتو ته راجمع شوي او په دغه مهال د اتش بازۍ خوندورې مظاهرې هم وشوې .

پي اېس اېل کې ټول پينځه ټيمونه ؤ ، پېښورزلمي، کوئټه ګلېډي اېټرز، اسلام اباد يونائټډ، کراچي کنګز او لاهور قلندر.

XS
SM
MD
LG