په دوبۍ کې روان د پاکستان سپرليګ (پي اېس اېل) په سيالو کې د اسلام اباد يونائټډټيم د پېښور زلمي لوبډلې ته ۵۰ په رنزونو ماتې ورکړه او فائنل ته ورسېدو .
د پي اېس اېل فائنل به د نهې په ورځ د کوئټه ګلېډي اېټرز او اسلام اباد يونائټډ ترمنځ کيږي .
نن د پي اېس اېل په ناک اؤټ مېچ کې اسلام اباد يونائټډ لمړی بيټنګ کړی او د شرجيل خان د ۱۱۷ رنزونو په مرسته يې په ټاکلو ۲۰ اوورونو کې په درېو لوبغاړو سوځېدو۱۷۶ رنزونه جوړ کړي وو .
د پېښور زلمي په ټيم کې شان ټېټ دوه لوبغاړي اؤټ کړي وو .
د اسلام اباد د ټيم په ځواب کې د پېښور زلمي يو لوبغاړي هم غوره لوبه ونه کړی شوه او په ۱۸ اوورونو کې ټول په ۱۲۶ رنزونو اؤټ شو .
د پېښورزلمي په ټيم کې زيات رنزونه کامران اکمل ۴۵ او شاهداپريدي ۳۸ رنزونه جوړ کړل .
د اسلام اباد يونائټډ عمران خالد څلور او اندری رسل درې لوبغاړي اؤټ کړل .
له دې وړاندې د کوئټه ګلېډي اېټرز ټيم په لمړي پلی اف مېچ کې د پېښورټيم ته ماتې ورکړې او فائنل رسيدلي .