لاس رسیدونکی لینک

کابل: ځانمرګي بريد کې نهه کسان وژل شوي


د چارواکو په وينا دغه بريد د کابل ښار د ګڼې ګوڼې په علاقه کې شوی دی .

د افغانستان پلازمينه کابل کې د پوليس په يو مرکز ځانمرګی بريد شوي چې په نتيجه کې يې نهه کسان وژل شوي او ۱۲ نور ژوبل شوي دي .

د کابل پوليسو د جرمونو د پلټنيزې څانګې مشر جنرال فريدون عبېدي وئيلي چې د بريد په نتيجه کې وژل شوؤ کسانو کې دوه عسکر او اووه عام ملکي وګړي د مينځه تللي دي .

طالبانو د دغه بريد زمه واري منلې ده .

د افغانستان داخله مرستيال وزير جنرال ايوب سالنګي په ټويټر باندې پېغام کې ليکلي د کابل په لويديځ کې دهمزنګ چوک باندې زوروره چاؤدنه شوې او لس کسان پکې وژل شوي او ۲۰ نور ژوبل شوي دي .

د چارواکو په وينا دغه بريد د کابل ښار د ګڼې ګوڼې په علاقه کې شوی دی .

د تېرو يو وخت نه په کابل کې دغه ډول بريدونه کيږي او طالبان يې زمه واري مني .

کابل کې دغه بريد نن دګل په ورځ په داسې مهال رامنځته شوی چې افغانستان کې د سولې په لړ د تيارۍ خبرې روانې دي .

د افغان سولې په لړ کې د تيارۍ په موخه يوه غونډه په اسلام اباد او بله په کابل کې شوې او درېمه هم روانه اوونۍ په اسلام اباد کې ټاکل شوې ده .

په دغو غونډو کې افغانستان، پاکستان، امريکا او چين ګډون کوي .

په عېن حال کې په افغانستان کې د بدامنۍ په پېښو کې زياتوالی هم مخې ته راغلی دی .

XS
SM
MD
LG