لاس رسیدونکی لینک

ليبيا کې امريکايي عسکر د داعش په ضدعمليات غزوي، پېناګان


که څه هم داعش ډله په ليبيا کې په قوت کې نه ده ولې په ورستيو مياشتو کې ليدل شوې چې ځان مظبوطوي

امريکايي ځواکونه په ليبيا کې موجود دي او د ځايي ممکنه ملګرو په لټه کې دي چې د ترهګرې ډلې داعش په ضد عمليات پراخه کړي .

د دفاع د وزارت پېنګان وياند پيټرکوک د شورو په ورځ خبريالانو سره خبرو کې وئيلي چي امريکايي ځواکونه په ليبيا کې موجود دي او هڅه کوي چې ځايي قوتونو سره اړيکي ټينګې کړي ، د هغه په وينا چې دويې معلومه کړي چې هلته کوم قوتونه دي کوم چې د امريکا د ملاتړ قابل دي او کومو سره ملګرتيا مخ په وړاندې بوتلی شي .

کوک وويل په ليبيا کې په کمه شمېره کې امريکايي عسکر موجود دي او دغه ځواکونه يې د ليبيا د چارواکو په وينا هلته په ځايې کړي دي .

که څه هم داعش ډله په ليبيا کې په قوت کې نه ده ولې په ورستيو مياشتو کې ليدل شوې چې دغلته ځان مظبوطوي او د سرت ښار سره په چاپېره علاقو کې يې خپل کنټرول زيات کړی دی .

د امريکا د استخباراتو معلومات لرونکي يو چارواکي وايس اف امريکا ته وئيلي چې د يوې پلان شوې منصوبې لاندې د کال ۲۰۱۵م په ورستيو اوونو کې د داعش ۵۰۰ جنګيالي د شام او عراق نه ليبيا ته تلي دي . غربي چارواکي وايي کېدی شي په ليبيا کې د جنګيالو دغه شمېره اوس ۵۰۰۰ ته رسېدلې وي .

کوک وئيلي ، دغه حالات زمونږدپاره د اندېښنې وړ کېدی شي او مونږ په نورو لارو غور کوؤ چې د داعش خطره زياته نه شي .

د کوک د دغه بيان نه وړاندې يو لوړ پوړي امريکايي چارواکي خبرداری ورکړی چې په ليبيا کې داعش د سيمه ييزه خطرې حيثيت لري .

د امريکا د ګډو ځواکونو مشر جنرال ډنفورډ د جمعې په ورځ مطبوعاتو سره خبرو کې وئيلي ؤ چې د داعش د مخې نيولو دپاره کلک پوځي عمليات کول پکار دي ، او دغه عمليات په داسې ډول پکار دي چې د اوږدې مودې د سياسي عمل برخه وي .

ډنفورډ وئيلي زما په خيال مونږ له هڅې تېزول پکار دي ، او په ليبيا کې د امريکايي عملياتو پرېکړه د راتلونکو څو اوونو معامله ده .

امريکا له وړاندې نه په ليبيا کې د داعش په ضد عملياتو باندې راضي ده ، تېر د نومبر په مياشت کې يې په ليبيا کې يوه فضايي کارروايۍ کې د داعش يو مشر ابونبيل په هدف کړی ؤ .

داعش د اوږدې مودې نه په ليبيا کې جنګيالو ته روزنه ورکوي او د دغه ځايې نه يې عراق او شام ته ليږي ، اودا د داعش ډلې د منصوبې برخه ده .

XS
SM
MD
LG