لاس رسیدونکی لینک

تازه خبر

جنرل راحيل اشرف غني څخه ديونيورسټۍ دحمله کوونکو لټولو کې مرسته غوښتې


 تيره ورځ چارسده کې په باچاخان يونيورسټۍ شوې حمله کې خواؤشا ٢٥ کسان وژل شوي اؤ د٥٠ؤ څخه زيات نور ژوبل شوي وو .
 تيره ورځ چارسده کې په باچاخان يونيورسټۍ شوې حمله کې خواؤشا ٢٥ کسان وژل شوي اؤ د٥٠ؤ څخه زيات نور ژوبل شوي وو .

د پاکستان د پوځ سرلښکر جنرل راحيل شريف افغان قيادت اؤ افغانستان کې د نيټو ځواکونو کمانډر ته ټيليفون کړى اؤ د خيبرپښتونخوا صوبې په چارسده ضلع کې تيره ورځ باچاخان يونيورسټۍ باندې شوې حمله کې د ککړو ترهه ګرو نيولو کې د مرستې خواست يې ورته کړى دی .

د پاکستاني پوځ د وياند ليفټننټ جنرل عاصم باجوه ترمخه د پوځ سرلښکر جنرل راحيل شريف دافغانستان صدر اشرف غني، ستر انتظامي مشر عبدالله عبدالله اؤ افغانستان کې د نيټو کمانډر جنرل جان کيمپبل ته ټيليفون کړى اؤ چارسده کې په باچاخان يونيورسټۍ د شوې حملې دتفصيلاتو څخه يې هغوي خبر کړي دي .

د پوځي وياند ترمخه دپوځ سرلښکر په يونيورسټۍ حمله کې د ککړو عناصرو لټولو اؤ د هغوي په نخښه کولو کې دمرستې خواست کړى دى .

په خپل ټوئټر اکاؤنټ عاصم باجوه وئيلي دي چې د چارسدې د ترهه ګريز بريد تر دې مهاله دشوؤ پلټنو ترمخه دغه بريد افغانستان کې د کالعدم تحريک طالبان پاکستان ديو کارکوونکي لخوا کنټرول کيدو .

د افغانستان له لوري د پاکستاني پوځ د دغه دعوې په اړه تر دې مهاله کوم غبرګون مخې ته نۀ دى راغلى خو په تيرو وختونو کې افغان چارواکو په ډاګه کړې چې خپله خاوره به د پاکستان په ګډون د کوم هيواد په ضد کارول کيدو ته نۀ پريږدي .

تيره ورځ چارسده کې په باچاخان يونيورسټۍ شوې حمله کې خواؤشا ٢٥ کسان وژل شوي اؤ د٥٠ؤ څخه زيات نور ژوبل شوي وو .

له دې وړاندې د پاکستان د خارجه وزارت يو وياند وئيلي دي چې په يونيورسټۍ دشوې حملې پلټنې روانې دي اؤ ډير زر به مکمل کړل شي .

هغه وئيلي وؤ چې حمله کې د ککړو کسانو اؤ د هغوي دسهولت کارو په ضد به دپلټنو دمکمليدو څخه وروستو ګامونه اخستل کيږي.

تيره ورځ يو مطبوعاتي کانفرنس ته د وينا په مهال ليفټننټ جنرل عاصم باجوه وئيلي وؤ چې امنيتي ځواکونو د هاغو ترهه ګرو په پيژندګلو کې مهم پرمختګ کړى کومو چې په باچاخان يونيورسټۍ حمله کړې وه.

هغه وئيلي وؤ چې دترهه ګرو د ګوتو نشانونه نيشنل ډيټابيس ريجسټريشن اتهارټۍ( نادرا) سره شريک کړل شوي دي .

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG