لاس رسیدونکی لینک

دترهه گرو مهمې ځالې مو تباه کړي،جگړه اخري پړاؤ کې ده،نوازشريف


کولمبو کې يوې دستورې ته دوينا په مهال وزيراعظم وويل پاکستان ته گڼ چيلنجونه په وراثت کې ترلاسه شوي خو پاکستان ددغو ستونزو اؤ مشکلاتو څخه اوځي.

دپاکستان وزيراعظم نوازشريف وئيلي دي هيوماد کې دترهه گرو مهمې ځالې تباه کړل شوي اؤ دترهه گرۍ په ضد جگړه اخري پړاؤ کې ده.

کولمبو کې يوې دستورې ته دوينا په مهال وزيراعظم وويل پاکستان ته گڼ چيلنجونه په وراثت کې ترلاسه شوي خو پاکستان ددغو ستونزو اؤ مشکلاتو څخه اوځي.

وزيراعظم نوازشريف دسري لنکا په درې ورځنۍ دوره کولمبو ته رسيدلى اؤ دغلته سري لنکا سره دترهه گرو دمالي مرستو دمخنيوي ديوې لوظنامې په گډون په ٨ؤ تړونونو لاسليکونه شوي دي.

دستورې ته دوينا په مهال نوازشريف وويل هغوي تيرو څو کلونو کې دترهه گرۍ مقابله کړې اؤ دترهه گرو نيټ ورک يې مات کړى اؤ اوس دترهه گرۍ په ضد روانه جگړه اخري پړاؤ کې ده.

دپاکستان پوځ تيرکال دجون په مياشت کې شمالي وزيرستان کې عمليات پيل کړي چې پکې يې تر دې مهاله د٣٤٠٠ؤ څخه دزياتو جنگيالو دوژلو اؤ دشمالي وزيرستان د٩٠ فيصده برخې ترهه گرو څخه دپاکولو دعوه کوي.

پاکستاني وزيراعظم وويل هيواد ته يې دانرژۍ دبحران لويې چيلنج پيښ دى خو دکال ٢٠١٧م تراخره به دانرژۍ په بحران قابو بيامومي، هغه په بحرانونو دقابو موندلو سفر روان دى اؤ پاکستان کې دکوئيلې دپراخه ذخيرو څخه گټه پورته کولى شي.

دهيواد داقتصادي صورتحال په اړه نوازشريف وويل چې دمعيشت ښه والي کې پرمختگ روان دى هغوي په غيرترقياتي لگښتونو کې کمى کړى اؤ دبجټ خساره کې په تدريجي توگه کمي راځي، هغه وويل دپاکستان دمعاشي بحالۍ اعتراف نړيوال ادارې هم کوي اؤ دحکومتي هڅو په نتيجه کې معاشي خساره پينځه اعشاريه درې ته راکمه شوې ده.

XS
SM
MD
LG