امنيتي سرچينې وائي کرمه ايجنسۍ کې په پاک افغان پوله دپاکستاني پوځيانو په يوه پوسته وسله والو حمله کړې خو امنيتي ځواکونو دغه حمله شا تمبولې اؤ دوه جنګيالي يې وژلي دي.
دسرچينو وينا ده چې کرمه ايجنسۍ کې په پاک افغان پوله دپاکستاني پوځيانو په امنيتي پوسته وسله والو بريد کړى دى.
دسرچينو وينا ده امنيتي ځواکونو دغه حمله په شاتمبولې اؤ ځوابي کارروايۍ کې يې دوه ترهه ګر وژلي اؤ پينځه يې نور ژوبل کړي دي، دبريد وروستو سيمه کې دامنيتي ځواکونو لخوا دلټونې عمليات هم پيل کړل شوي دي.
سيمې پورې ميډيا رسد نۀ لري چې دې امله په ازادانه توګه کرمه ايجنسۍ کې درامينځته شوې اؤ پکې دواړو خواؤ ته داوښتې مرګ ژوبلې پخلى نۀ شي کيدى.
دپاکستان پوځ تيرکال دجون دمياشتې راهسې شمالي وزيرستان دضرب عضب په نوم په عملياتو بوخت دى اؤ دعوه کوي چې په دغو عملياتو کې يې تر دې مهاله ٣٤٠٠ ترهه گر وژلي ، خو سيمې پورې ميډيا رسد نۀ لري چې دې امله په ازادانه توگه دغو عملياتو کې دواړو خواؤ ته داوښتې مرگ ژوبلې پخلى نۀ شي کيدى.
