لاس رسیدونکی لینک

داعش په پاکستان او افغانستان کې دتشدد څخه ډکوبريدونو ويډيوخپره کړې


په مبينه توګه خبريالانو ته لېږل شوې دغه ويډيو چې ۱۲ منټه ده په لمړي سر کې پکې په پښتو ژبه کې ليکل ښکاره کيږي چې (خراسان د مرتدينو مقبره) .

په شام او عراق کې د فعاله تُندروه ډلې داعش د افغانستان لخوا د جمعې په ورځ يوه ويډيو خپره کړی شوې ده ، چې پکې د افغانستان او پاکستان په ځواکونو حملې او د کسانو وژنې ښکاره کړی شوي دي .

په مبينه توګه خبريالانو ته لېږل شوې دغه ويډيو چې ۱۲ منټه ده په لمړي سر کې پکې په پښتو ژبه کې ليکل ښکاره کيږي چې (خراسان د مرتدينو مقبره) .

په ويډيو کې بيا ښکاره کړی شوي د پاکستان قبائيلي سيمې اورکزۍ ايجنسۍ په شاهوخيلو علاقه کې د پوځ په ګاډو بريدکيږي . له دې وروستو په پکتيا کې د افغان ځواکونو په يوه پوسته بريد ښکاره کړی شوی چې پکې د غټو وسلو ډزې ليدل کيږي او بيا په لوګر سيمه کې د ماين پاکوؤنکو په ډله باندې چاؤدنه ښکاره کوي او دوه ګاډي يې سوځوي .

په ويډيو کې بيا په يو غر کې درې کسان ښکاره کول کيږي چې د يو نه سر غوڅولی شي او دوه نورو په ډزو وژل کيږي ، دويې ته ليکل شوي د ننګرهار په اچين سيمه کې د خلافت په ضد د پاڅون کوؤنکو د ډلې غړي دي . او بيا په ننګرهار کې په دوه ګاډو چاؤدنې ښودل شوي دي .

له دې وروستو په مبينه توګه د پاکستان قبائيلي سيمه خېبر خېبرايجنسۍ کې پاکستاني عسکرو باندې ډزې کېدل ښکاره کړی شوي دي ، او بيا په کراچۍ ښار کې د روان کال د مئ په مياشت کې د شيعه اسماعيليانو په ډک بس باندې د بريد زمه واري قبول کړی شوې ده ، په دغه بريد کې ۴۵ کسان وژل شوي وو . او په باجوړ کې د يو قومي لښکر په مشر د چاؤدنې زمه واري هم په غاړه اخلي .

د ويډيوپه اخره کې يو ځوان عمره تن د نورو کسانو سره په مخه ښه کولو نه پس په مبينه توګه د بارودو نه په ډک ګاډي کې کښېني ، او د لوګر په سيمه کې يوه پوسته باندې دغه د بارودو ډک ګاډي ته چاؤدنه ورکوي ، او ليدل کيږي چې د چاؤدنې په نتيجه کې زورورې دوړې او لوګي پورته کيږي .

په سمدستي توګه په دغه ويډيو کې د ښکاره کړو ترسره شوؤ حملو نېټې نه دي وئيل شوي او نه يې پخلی کيږي .

داعش د روان کال جنورۍ په مياشت کې يوه نقشه خپره کړې وه چې پکې موجوده پاکستان او افغانستان ته د اسلامي خلافت خراسان صوبه وئيل شوې وه .

د امريکې د دفاع وزير اېش کارټر تېره اوونۍ د افغانستان د دورې په مهال سيمه کې د يو نوي ګواښ راولاړېدو خبره کړې وه او وئيلي يي ؤ چې د امريکايي پوځ د معلوماتو ترمخه داعش ډله په ننګرهار او د ملک په نورو برخو کې د ځالو جوړولو د موقعې په لټه کې دي .

افغان چارواکو د زيارته په ورځ وئيلي ننګرهار صوبه کې د صدايي خلافت ريډيو په نوم د داعش شورو شوی پروپګنډه ريډيو يې بند کړی دی ، دغه ريډيو د ننګرهار سره د پاکستان په باجوړ او مومند ايجنسۍ او چارسده ضلع کې هم اورېدل کېدو . د راپورونو ترمخه دغه ريډيو په سيمه کې د يوې مياشتې راهسې روان ؤ .

داعش ډله په افغانستان کې د افغان طالبانو سره په مخالفت کې ده او په وروستيو کې د دواړو ډلو د جنګيالو ترمينځ نښتې هم شوي دي .

بل لور ته د داعش په مبينه ويډيو کې چې پاکستاني پوځ باندې بريدونه او په کراچۍ کې د شيعه اسماعيليانو په بس د بريد کولو زمه وارۍ اخيستل شوي دي . خو پاکستان پرله پسې د دغه رنګ خبرونو رد کوي چې داعش ډله په پاکستان کې وجود لري .

ولې څو ورځې وړاندې په کراچۍ کې د پوليس چارواکو وئيلي ؤ چې په دغه ښار کې د ښځو يوه منظمه ډله د داعش دپاره کار کوي .

XS
SM
MD
LG