دافغانستان دهلمند ولايت په يوه مهمه اولسوالۍ سنگين دطالبانو دقبضې داطلاعاتو مخې ته دراتللو څخه وروستو برطانيې خپل پوځيان هلمند ولايت کې ځايې پځايې کړي دي.
دبرطانوي دفاع وزارت ترمخه په لږ شمير کې پوځيان هلمند ته ليږل شوي دي چې کردار به يې دصلاح مشورې دنوعيت وي اؤ هغوي به دنيټو ديوې مهمې ډلې برخه وي.
برطانيې افغانستان کې دتيرکال په اخره کې دخپل جنگي مشن پاې ته رسولى ؤ خو دا مهال يې افغانستان کې خواؤشا ٤٥٠ پوځيان پاتې دي.
دافغانستان دهلمند ولايت سنگين اولسوالۍ کې دپوليسو دهيډکوارټر اوس هم دطالبانو په محاصره کې دى.
خو دې لړ کې متضاد خبرونه مخې ته راروان دي چې په حقيقت کې دا مهال هلمند ولايت دچا په قبضه کې دى.
دهلمند والي اؤپوليسو دطالبانو له لوري دا خبرونه رد کړي چې گنې په سنگين اولسوالي طالبانو په بشپړه توگه قبضه کړې ده.
طالبانو داتوار په ورځ په سنگين حمله کړې وه اؤ ددغه اولسوالۍ په مهمو مقاماتو يې قبضه کړې وه.
په عين حال کې دگل په ورځ افغانستان کې دبگرام هوائي اډې سره نزدې يو ځانمرگي بريد کې شپږ امريکائي پوځيان وژل شوي، سږکال افغانستان کې په موجودو غيرملکي ځواکونو دغه تر ټولو خونړۍ حمله وه، دگل په شپه کابل کې درې راکټونه هم داغل شوي و.
