د پاکستان او هند په پوله (ورکنګ باؤنډرۍ ) باندې د هندي ځواکونو لخوا په ډزو کې پينځه پاکستاني ژوبل شوي دي .
د سرکاري ميډيا ترمخه د پنجاب صوبې د سيالکوټ سيمې په شکرګړهـ ورکنګ باؤنډرۍ باندې د هند سرحدي ځواکونو ناتاره ډزې کړي چې په نتيجه کې يې پينځه پاکستاني وګړي ژوبل شوي دي .
ميډيا د پنجاب رېنجرز د قوله وايي چې د پاکستان پنجاب رېنجرز ځواکونو د هند لخوا ډزو ته ځواب وئيلی او د هندي ځواکونه يې غلي کړي دي .
راپورونه وايي ډزو کې ژوبل کسان د سيالکوټ پوځي روغتون (سي اېم اېچ) ته وړل شوي دي .
بل لور ته د هند ميډيا د هندوستاني ځواکونو لخوا وئيلي چې د پاکستان رېنجر ځواکونو (بي اېس اېف) د هند ۱۴ پوستونه په هدف کړي دي .
او د سامبا په سېکټر کې د هند دوه وګړي په ډزو کې ژوبل شوي دي . د هند ميډيا ترمخه د جمعې د ورځې نه د اتوار پورې پينځه کسان په ډزو کې ژوبل شوي دي .
د پاکستان او هند ترمينځ په پوله د تېرې يوې مودې نه د د دواړو خواؤ نه د سرحدي لخوا په يو بل ډزې کيږي .
پاکستان په هند تور لګوي چې سرحدي ځواکونه يې په پوله د اوربند خلاف ورزي کوي او پاکستان پله ډزې کوي ، هم دغه رنګ تور د هند لخوا په پاکستاني ځواکونو لګول کيږي .
تېره مياشت هم د دواړو ملکونو ترمينځ په ورکنګ باؤنډرۍ او لائن اف کنټرول باندې د دواړو خواؤ نه ډزې شوې چې په نتيجه کې دواړو طرفونو ته مرګ ژوبلې اوختې وې .
