لاس رسیدونکی لینک

سپریم کورټ د ممتاز قادري د پهانسۍ سزا برقرار ساتلې


سپریم کورټ د هغه په ضد مقدمه کې د ترهګرۍ ددفعو شاملولو امر هم کړی

دپاکستان سپریم کورټ د پنجاب د پخواني ګورنر سلمان تاثیر د قتل په جرم کې دممتاز قادري د پهانسۍ سزا برقرازه ستاتلې ده.
ممتاز قادري د پنجاب د ګورنر سلمان تاثیر ساتونکی ؤ اؤ په څلورم جون 2011ء کې یې ګورنر تاثیر یوازې په دې پلازمینه اسلام اباد کې وژلی ؤ چې ولې یې د توهین رسالت قانون د تور قانون په نوم یاد کړی ؤ.
وروستو ماتحت عدالت هغه ته ددغه وژنې په جرم کې دوه کرته د مرګ سزا اورولې وه اؤ اسلام اباد هائیکورټ هم د هغه دمرګ دسزا په ضد اپیل مسترد کړی ؤ خو دهغه په ضد دجوړې کړی شوې مقدمې نه یې د ترهګرۍ د دفعاتو ختمولو امر کړی ؤ.
وروستو د ممتاز قادري وکیلانو سپریم کورټ ته د هغه د مرګ د سزا په ضد اپیل وکړو
د شورو په ورڅ د جسټس اصف سعید کهوسه په مشرۍ د سپریم کورټ درې کسیز بینچ د هغه د وکیلانو له اړخه د شوي اپیل اوریدنه وکړه.
سپریم کورټ د ممتاز قادري په کیس کې د ترهګرۍ د هاغو دفعو بحالولو امر هم وکړو چې د اسلام اباد هائیکورټ پخپله فیصله کې ختمې کړې وې
دنهې په ورځ د ممتاز قادري وکیل اؤ پخواني جج نزیر احمد بینچ ته د خپلو دلیلونو ورکولو په مهال وئیلي وؤ چې هرڅوک که په هر نیت د توهین ډک الفاظ اداکړي هغه مجرم وګرځي.
په دغه دلیل جسټس کهوسه د ممتاز قادري د وکیل څخه پوښتنه کړې وه چې ایا یو تن ددې پریکړې کولو حق لري چې چا د مذهب سپکاوی کړی دی؟
بینچ دا هم پوښتلي وؤ چې ایا ممتاز قادري سره د پخواني ګوریر سلمان تاثیر د وژلو څخه وړاندې کوم ثبوت ؤ؟
جسټس کهوسه د اپیل اوریدنې په مهال وئیلي وؤ چې د توهین په قانون نیوکه کول درسالت په توهین کې نه راځي ځکه نو کتل به داوي چې وژل شوی سلمان تاثیرد توهین رسالت کړی هم ؤ اؤ که نه.
هغه زیاته کړې وه چې که داسې هر سړی پخپل سر د سپکاوي د قانون پسر وژنې شروع کړی نو ټولنه کې به ګډوډی اؤ انتشار خوریږي.

XS
SM
MD
LG