دافغانستان دپولې ترڅنگ دپاکستان قبائيلي سيمه باجوړ ايجنسۍ کې ترسره شوي يوه بمي چاؤدنه کې دوه قبائيلي مشران وژل شوي اؤ درې کسان نور ژوبل شوي دي.
دامنيتي سرچينو ترمخه د قبائيلي مشرانو ملک دوا خان اؤ حاجي کريم گاډى دخالي په سحر دباجوړ ايجنسۍ په ارنگ سيمه کې دريموټ کنټرول بم له لارې په نخښه کړل شوى چې په نتيجه کې يې دغه دواړه مشران وژل شوي اؤ درې کسان نور ژوبل شوي هم دي.
دپيښې څخه وروستو سيمې ته امنيتي ځواکونه رسيدلي اؤ سيمه کې يې دلټونې عمليات پيل کړي دي.
له دې وړاندې هم باجوړ او د پاکستان په نورو قبائيلي سيمو کې گڼ شمير داسې قبائيلي مشران په نخښه کړل شوي دي چې ړوسله والو خلاف يي د حکومت سره مرسته کوله او يا يي په مقامي توگه دهغوي په ضد د امن لښکرې جوړې کړې وې.
دطالبانو په ضد په تير حکومت کې دامن لښکرې جوړې کړل شوې وې اؤ په تيرو وختونو کې دامن دغو لښکرو په حکومت نيوکې کړي چې دخپلو مقصدونو ترلاسه کولو څخه وروستو يې هغوي دوسله والو دبريدونو په وړاندې يواځې پريښي اؤ ورته تحفظ نۀ ورکول کيږي.
