پوليس وائي چې دافغانستان په جوزجان ولايت کې دخالي په ورځ دسړک دغاړې په يوه بمي چاؤدنه کې لږ ترلږه درې اولسي وگړي وژل شوي اؤ ١٣ نور ژوبل شوي دي.
دجنرال فقير احمد جوزجاني په نوم دپوليسو ولايتي وياند ددغه پيښې په اړه ميډيا سره خبرو کې وئيلي دي چې دغه پيښه دجوزجان ولايت په فيض احمد اولسوالۍ کې هاغه مهال رامينځته شوه کله چې يو بس په کورني جوړ شوي بم( ائي اي ډي) وروختو.
پيښه کې درې کسان وژل شوي اؤ ١٣ نور ژوبل شوي چې دعلاج لپاره نزدې روغتون ته رسول شوي دي.
دافغانستان په بيلا بيلو برخو کې دطالب جنگيالو له لوري دبهرنو اؤ افغان ځواکونو اؤ چارواکو دپه نخښه کولو په غرض دسړک دغاړې بمونه ښخول کيږي خو دغسې بمي چاؤدنو کې اکثره بې گناه اولسي وگړي وژل کيږي.
دملگرو ملتونو دشميرې ترمخه دسږکال په لمړو شپږو مياشتو کې بريدونو کې خواؤشا ١٦٠٠ اولسي وگړي وژل شوي اؤ ٣٣٠٠ نور ژوبل شوي دي.
چارواکي دزياترو اولسي وگړو دوژنې مسؤل طالبان گرځوي.
همدغه راز دبغلان ولايت دپوليسو مشر عبدالجبار پردلي ترمخه ددغه ولايت په پل چرخي سيمه کې ترسره شوؤ عملياتو کې څلور طالب جنگيالي وژل شوي اؤ څلور نور ژوبل شوي دي.
