لاس رسیدونکی لینک

د چین ساحلي ښار کې چاودنو 44 کسان وژلي


مړو شوؤ کې دولس د اور وژنې کارمندان هم شامل دي

دچین په ساحلي ښار تیانجن کې د شورو په شپه دچاودیدونکو موادو د ذخیره کولو په یو ګودام کې د کیمیکلو په یو کنټینر کې د شوې چاودنې له امله لږترلږه 44 کسان مړه اؤ خواوشا 400 نور زخمیان شوي دي.

د چین سرکاري ابلاغي ذریعو وئیلي دي په دغه مړو شوؤ کې 12 د اور وژنې کارمندان هم شامل دي .

تیانجن کې دوه چاودنې ددیرشو سیکنډو دننه شوي اؤ دغه چاودنې دومره طاقتورې وې چې تر لرې لرې یې نه یوازې اواز اوریدل شوی بلکې په ډیره لرې فاصله د پرتو ودانو کړکۍ اؤ دروازې یې هم د درز سره جړقولي اؤ ماتې کړي دي

عیني شاهدانو ددغه چاودنې عکسونه په سوشل میډیا خپاره کړي چې په دغو عکسونو کې د اور اوچتې اوچتې لمبې لیدل کیږي.

یوې عیني شاهدې میرمنې وئیلي هغه د سود سودا په اخستو کې مشغوله وه چې د چاودنې درز یې واوریدو اؤ کله چې یې په شا وکتل نو وئ لیدل چې د اور یو غټ غونداری پورته خیژي.

راپورونه وایي چې د ښار بیلا بیلو روغتونونو ته دغه پیښه کې ژوبل شوي خوا وشا 400 څلور سوه مریضان رسول شوي چې په هغوئ کې د ځینو حالت نازک دی

XS
SM
MD
LG