لاس رسیدونکی لینک

په محمد حفيظ ديو کال بنديز لگيدلى


دائي سي سي ترمخه محمد حفيظ په ٦مه جولا ئي دهند په چنئ ښار کې دخپل باؤلنگ ايکشن کلئير کولو کې ناکامه راغلى

نړيوال کرکټ کونسل( ائي سي سي) د پاکستاني ال راؤنډر محمد حفيظ باؤلنگ ايکشن شکمن گرځولى اؤ ديو کال لپاره يې پرې بنديز لگولى دى.

دائي سي سي ترمخه محمد حفيظ په ٦مه جولا ئي دهند په چنئ ښار کې دخپل باؤلنگ ايکشن کلئير کولو کې ناکامه راغلى ، چې له دې وروستو په هغه د١٢ؤ مياشتو بنديز لگول شوى ، خو دائي سي سي دقوانينو ترمخه محمد حفيظ داپيل حق لري.

تيره مياشت گال کې دسري لنکا په ضد دلوبول شوي ټيسټ ميچ په مهال امپائرانو دمحمد حفيظ باؤلنگ ايکشن شکمن رپورټ کړى ؤ، چې له دې وروستو محمد حفيظ سږکال په ٦مه جولا ئي دهند دچنئ ښار کې دخپل باؤلنگ ايکشن په اړه ټيسټ ورکړى ؤ، په دغه مهال په محمد حفيظ شپږ اورونه شوي وؤ چې پکې دهغه دمټ جاج اخستل شوى ؤ.

خو محمد حفيظ په دغه مهال دخپل باؤلنگ ايشکن په کلئير گرځولو کې ناکامه راغلى چې له دې وروستو پرې ائي سي سي ديو کال لپاره بنديز لگولى.

تيرکال دنومبر په مياشت کې هم ابوظهبۍ کې دنيوزلينډ په ضد دسيريز په مهال دحفيظ باؤلنگ ايکشن شکمن رپورټ شوى ؤ چې له دې وروستو هغه دباؤلنگ څخه منعې کړل شوى ؤ.

XS
SM
MD
LG