لاس رسیدونکی لینک

امریکا کې د ډزو په پېښو کې څلور پوځیان و‏ژل شوي


چارواکي وايي کوم وسله وال کس چې په پوځي مرکزونو ډزې کړي هغه هم وژل شوی دی

د امریکې په سویلي ریاست ټینیسي کې په دوه پوځي مرکزونو د ډزو په پېښو کې څلور پوځیان وژل شوي دي .
چارواکي وايي کوم وسله وال کس چې په پوځي مرکزونو ډزې کړي هغه هم وژل شوی دی او په ډزو کې د یو عسکر په ګډون څو نور کسان ژوبل شوي هم دي .
د چارواکو په وینا وسله وال تن د شناټاګو په علاقه کې موقعیت لرونکي د سوداګرۍ په داسې ځایې ‌‌‌ډزې کړي چرته چې د پوځ نورې پینځه دفترې هم جوړې دي.
د قانون نافذؤنکو ادارو د سرچینو ترمخه د ډزې کوؤنکي تن پېژندګلو د ۲۴کلن محمد یوسف عبدالعزیز په نوم شوې ده . د حمله کوؤنکي کس په اړه نور معلومات مخې ته نه دي راغلي خو د اېف بی ا‏ئي سرچینو وا‏ئس اف امریکا ته وئيلي هغه کويتي نژاد امریکايي وګړی ؤ .
د محکمه دفاع وينا ده چې پېښه کې د ۲۵ نه تر ۳۰ پورې ډزې شوي او د پوځ یو سرتېری پکې په پښه هم لګېدلی دی .
د پوځ یو چارواکي چې په مرکز کې په ډیوټۍ مامور ؤ هغه وئیلي لمړی ډز سحر په لس بجې شوی ؤ .
وروستو حمله کوؤنکي په یو موټر کې اووه میله لرې د سمندري پوځ په اپرېشنل سپورټ مرکز او مېرين کور رزور باندې ورغلی دی.
د عیني شاهدینو په وینا د ډزو د سلسلې د بندېدو سره حمله کوؤنکی هم وژل شوی ؤ خو چارواکو د دې پخلی نه دی کړی چې دغه کس د پوځ په جوابي کارروائۍ کې یا په خپل ډ‌ز وژل شوی دی .
د ټینیسي د ختیزې ضلعې اټارني بل کلین وئیلي مونږ دغه پېښه په ملک کې دننه ترهګري ګڼو .
د سپیني ماڼۍ ویاند وئيلي صدر باراک اوباما ته د ډ‌زو د پېښې احوال تېر کړی شوی دی او په دغې اړه ورته نور تازه معلومات ورکولی شي .

XS
SM
MD
LG