دپاکستان دپلازمينې اسلام اباد سره په پيوست ښار پينډۍ کې دټريفک يوه پيښه کې لږ ترلږه ٢٠ کسان مړۀ شوي دي.
دسرچينو ترمخه پينډۍ کې دترنول پهاټک سره نزدې په فتح جهنگ روډ يو تيزرفتاره بس دمخالف اړخ څخه دورروان مسافرو دگاډي سره وجنگيدو چې له امله يې دواړو گاډو کې ناست ٢٠ کسان مړۀ اؤ ٤٠ ژوبل شول.
دپيښې وروستو سيمې ته په گڼ شمير کې دامدادي ادارو کارکوونکي رسيدلي اؤ ژوبل کسان يې پمز اؤ پولي کلينک هسپتالونو ته سولي چرته چې دډاکټرانو ترمخه دگڼو ژوبل شوؤ کسانو حالت سخت دى اؤ له دې امله دمړو شمير کې دزياتوالي انديښنه ده.
په پاکستان کې دتيرې څه مودې راهسې په ټريفکي پيښو کې تر ډيره حده اضافه شوې اؤ دسړک په دغه حادثو کې په زرگونو کسانو تر دې مهاله خپل ژوند دلاسه ورکړى اؤ يا هم ژوبل شوي دي.
څيړونکي په پاکستان کې دټريفک حادثو کې دبې کچې اضافې سبب ددغه هيواد مات گوډ اؤ تنگ سړکونه اؤ دټريفک په قوانينو عمل نۀ کول ښائي.
په پاکستان کې حتي په تيره موده کې مطبوعاتو داسې راپورونه هم ورکړي وؤ چې ددغه هيواد دډرائيونگ لا ئسنس جاري کوونکې ادارې دپيسو په بدل کې ړندو يا نابينا خلکو ته هم لا ئسنسونه جاري کړي دي.
