پوليس وائي چې دمصر په الاقصر ښار کې ديو پخواني مندر کارنک سره نزدې يو ځانمرگي خپل ځان الوزولى دى.
دکارنک مندر دمصر دمشهورو سيلگرۍ دځائيونو څخه يو دى.
دمقامي ميډيا راپورونه وائي چې دې ځانمرگي بريد کې څلور کسان ژوبل شوي دي اؤ ددې ترڅنگ دغه بريد کې دوه نور کسان هم ککړ وؤ چې دپوليسو لخوا دواړه وژل شوي دي.
دبريد پړه په سمدستي توگه چا په غاړه نه ده اخستې.
خو دمصر په سينائي سيمه کې جنگيالو تيرو څو کلونو کې په امنيتي ځواکونو بريدونه ترسره کړي دي اؤ په دغو بريدونو کې اضافه وروستو له هغې راغلې چې پخواني دپوځ مشر اؤ موجوده صدر عبدالفتح السيسي په کال ٢٠١٣م کې پخوانى صدر محمد مرسي له اقتدار څخه لرې کړو.