لاس رسیدونکی لینک

محمدعرفان ورلډ کپ نه بهر


عرفان تر دې مهاله ورلډ کپ کې دپاکستان تر ټولو خطرناک بولر پاتې شوى خو داتوار په ورځ هغه دائرلينډ په ضد ميچ دزخمي کيدو له امله نۀ ؤ لوبولى.

دپاکستان فاسټ بولر محمد عرفان دزخمي کيدو په وجه ورلډ کپ نه بهر شوى دى.

عرفان تر دې مهاله ورلډ کپ کې دپاکستان تر ټولو خطرناک بولر پاتې شوى خو داتوار په ورځ هغه دائرلينډ په ضد ميچ دزخمي کيدو له امله نۀ ؤ لوبولى.

دپاکستان اؤ اسټريليا ترمينځ به کوارټرفائنل دجمعې په ورځ لوبولى شي دکوم لپاره چې دپاکستان قومي کرکټ ټيم ايډيليډ کې کوټلى پريکټس هم کړى خو پاکستانى ټيم دزخم دښکار خپل فاسټ بولر محمد عرفان څخه محروم شوى، امکان دى چې دهغه پځايې به جنيد خان ټيم کې شامل کړل شي.

دپي سي بي ترمخه فاسټ بولر محمد عرفان به دزخمي کيدو په وجه دورلډ کپ برخه نۀ وي اؤ هغه په هيواد ته رابلل شوى دى خو ټيم منيجمنټ په فوري توگه دعرفان متبادل لوبغاړى نه دى غوښتل.

محمد عرفان دورلډ کپ په لمړو دوؤ ميچونو کې دناکامۍ سره دمخ کيدو وروستو دقومي ټيم په بحالۍ کې مهم کردار ادا کړى ؤ اؤ هغه په ايونټ کې شپږ وکټې ترلاسه کړې وې.

دائرلينډ خلاف دميچ څخه وروستو دهپ انجرۍ له امله دعرفان ټيسټ شوى ؤ چې رپورټ يې صفا نۀ ؤ راغلى اؤ له دې امله سليکټرانو هغه ته دارام ورکولو پريکړه کړې وه.

XS
SM
MD
LG