دپاکستان خارجه دفتر څخه جاري شوي يو بيان کې وئيل شوي دي دهند حکومت اسلام اباد خبر کړى چې خارجه سکتر ايس جى شنکر به يې دخپل پاکستاني سيال سره خبرو اترو لپاره په دريم مارچ په ورځنۍ دوره پاکستان ته راځي.
دخارجه دفتر دوياندې تسنيم اسلم له لوري دشورو په ورځ جاري شوي بيان کې وئيل شوي دي چې دهند دخارجه سکتر پاکستان ته دغه دوره په ١٣مه فرورۍ دپاکستان اؤ هند دوزيراعظمانو ترمينځ ټيلي فوني تماس کې ټاکل شوې وه.
دخارجه دفتر ويانده وائي چې ښاغلى جى شنکر به خارجه سکتر اعزاز احمد چوهدري سره ليدنه کوي.
هند تيرکال ډيلي کې دپاکستان هائي کمشنر عبدالباسط سره دکشميري مشرانو دليدنې وروستو پاکستان سره دخارجه سکترانو په کچه مذاکرات ځنډولي وؤ دکوم په نتيجه کې چې ددواړو هيوادونو اړيکې تاؤژنې شوي اؤ دتيرو څو مياشتو راهسې په لا ئن اف کنټرول اؤ ورکنگ باؤنډرۍ هم دډزو اؤ گوله بارۍ پيښو له امله اړيکې خرابې شوي.
