دپاکستاني پوځ دعامه اړيکه څانگه( ائي ايس پي ار) وائي چې دپوځ مشر جنرل راحيل شريف دافغانستان صدر اشرف غني سره دنهې په ورځ دليدنې په مهال وئيلي دي چې دافغانستان دښمن دپاکستان دښمن دى.
جنرل راحيل شريف دنهې په ورځ دافغانستان په يوه مهمه يوه ورځنۍ دوره پلازمينې کابل ته رسيدلى اؤ دغلته يې افغان صدر اشرف غني اؤ ستر انتظامي مشر ډاکټر عبدالله عبدالله سره ليدنې کړي دي.
دائي ايس پي ار دبيان ترمخه صدر اشرف غني سره دليدنې په مهال دواړو مشرانو ژمنه وکړه چې دترهه گرۍ په ضد جگړه کې به ديو ملاتړ کوي وعده يې وکړه چې خپله خاوره به ديو بل په ضد کارول کيدو ته نۀ ورکوي.
پوځي بيان کې وئيل شوي دي چې دواړو خواؤ په دې خبره هم اتفاق کړى چې پخپلو هيوادونو کې به دترهه گرو خلاف روان عمليات دوامداره ساتي.
جنرل راحيل شريف ستر انتظامي مشر ډاکټر عبدالله عبدالله سره هم ليدنه وکړه اؤ عبدالله ددواړو هيوادونو ترمينځ اړيکو کې ښه والى ومنلو اؤ جنرل راحيل سره يې دپولې په انتظام اؤ دخفيه معلوماتو په راکړه ورکړه هم خبرې وکړې.
دائي ايس پي ار ترمخه کابل کې جنرل راحيل شريف دافغانستان عسکري اؤ سياسي قيادت سره ليدنې کړي دي.
