دپاکستاني پوځ دعامه اړيکو دڅانگې ائي ايس پي ار ترمخه قبائيلي سيمه مومند ايجسنۍ کې پوځ سره دخالي په ورځ يوه نښته کې لږ ترلږه ٧ ترهه گر وژل شوي دي.
دپوځ ترمخه دمومند ايجنسۍ يکه غونډ تحصيل کې دامنيتي ځواکونو اؤ تندلارو ترمينځ ديوې نښتې په نتيجه کې ٧ ترهه گر وژل شوي ، دوژل شوؤ جنگيالو پيژندگلو نۀ ده شوې خو پوليټيکل انتظاميې ته سپارل شوي وؤ چې وروستو تحصيل هيډکوارټر هسپتال يکه غونډ ته ورسول شول.
مومند ايجنسۍ کې دپوځ اؤ تندلارو ترمينځ دغه نښته په داسې حال کې رامينځته شوې چې دپاکستان پوځ دتيرکال راهسې قبائيلي سيمو شمالي وزيرستان اؤ خيبرايجنسۍ کې دتندلارو په ضد په عملياتو بوخت دى اؤ دتيرکال په ١٦مه نيټه پيښور کې دپوځ په تابيا په چليدونکي يو سکول دطالبانو حمله کې د١٥٠ؤ کسانو دوژل کيدو وروستو دهيواد بيلا بيلو سيمو کې پوځ دتندلارو په ضد عملياتو کې تُندي راوستې .
