لاس رسیدونکی لینک

دپيښور دکورکمانډر دافغانستان دوره


ددغه ليدنې په مهال دنړيوالو ځواکونو( ايساف) اؤ دافغان سرحدي پوليسو استازي هم موجود وؤ، ددواړو خواؤ ترمينځ دخبرو اترو په مهال دموجوده سرحدي همکارۍ ميگانيزم ترغور لاندې راغلى.

دپاکستاني پوځ مطبوعاتي څانگه( ائي ايس پي ار وائي چې ) دپيښور کورکمانډر ليفټننټ جنرل هدايت الرحمان تيره ورځ دگاونډي هيواد افغاستان دوره کړې اؤ دغلته يې دخپل سيال سره ليدنه کړې اؤ په سرحدي امنيت يې ورسره خبرې اترې کړي دي.

ددغه ليدنې په مهال دنړيوالو ځواکونو( ايساف) اؤ دافغان سرحدي پوليسو استازي هم موجود وؤ، ددواړو خواؤ ترمينځ دخبرو اترو په مهال دموجوده سرحدي همکارۍ ميگانيزم ترغور لاندې راغلى.

دائي ايس پي ار دبيان ترمخه ليدنه کې ددواړو هيوادونو دسلامتۍ دصورتحال ترڅنگ په نورو چارو هم خبرې وشوې اؤ ددواړو هيوادونو ترمينځ په پولو دمرستې سيوا کولو په اړه مذاکرات وشول.

تيرکال په ١٦م دسمبر پيښور کې په ارمي پبلک سکول دحملې وروستو دپاکستاني وزيراعظم دخارجه چارو مشاور سرتاج عزيز دعوه کړې وه چې د پاکستان اؤ افغانستان امنيتي ځواکونه په پاک افغان پوله دترهه گرو په ضد په گډو کارروائيو ترسره کولو متفق شوي دي اؤ زياته کړې يې وه چې کابل کې افغان قيادت دپاکستان پوځ ته دترهه گرۍ په ضد عملياتو کې دکوټلي ملاتړ باور ورکړى.

دپيښور دسانحې څخه يوه ورځ وروستو دپاکستان دپوځ سرلښکر جنرل راحيل شريف دخفيه ادارې دمشر ليفټننټ جنرل رضوان اختر ترڅنگ دکابل په يو ناڅاپي سفر تللى ؤ اؤ دغلته يې دميډيا راپورونو ترمخه افغان چارواکو څخه دپاکستاني طالبانو دمشر مُلا فضل الله پاکستان ته دسپارلو غوښتنه کړې وه.

XS
SM
MD
LG