دشورو په ورځ دقبائيلي سيمې شمالي وزيرستان په دته خيل سيمه کې دپوځي جيټ الوتکو نه دترهه گرو په شکمنو ځالو شوؤ فضائي حملو کې ١٥ جنگيالي وژل شوي دي.
دپاکستاني پوځ دمطبوعاتي څانگې ( ائي ايس پي ار) ترمخه دغو فضائي حملو کې ١٥ جنگيالي وژل شوي چې اؤ پوځي سرچينې وائي چې وژل شوؤ کې دتحريک طالبان پاکستان سره تعلق لرونکي دوه اهم تندروه کمانډران هم شامل دي.
دائي ايس پي ار ترمخه دغو فضايي حملو کې دتندلارو ځالې اؤ دوسلو ذخيره کولو ځائيونه تباه کړل شوي دي، خو سيمې پورې ميډيا رسد نۀ لري چې له دې امله په ازادانه توگه دغه پوځي ادعا نۀ شي تصديق کيدى.
شمالي وزيرستان کې سږکال په ١٥م جون وروستو له هغې پوځي عمليات پيل کړل شوي وؤ چې طالبانو دکراچۍ په هوائي اډه دحملې ذمه واري په غاړه واخېسته اؤ دپاکستان دحکومت اؤ طالبانو ترمينځ مذاکرات ناکام شول.
پوځ دعوه کوي چې په دغو عملياتو کې يې د١٢٠٠ؤ نه زيات جنگيالي وژلي اؤ يواځې ٨٦ؤ پوځيانو پکې خپل ژوند دلاسه ورکړى خو سيمې پورې ميډيا رسد نۀ لري چې له دې امله په ازادانه توگه دغه جگړه کې دواړو خواؤ ته داوښتې مرگ ژوبلې پخلى نۀ شي کيدى.
شمالي وزيرستان کې دپيل کړل شوؤ دغو عملياتو لپاره نزدې ٨ؤ لکو کسانو خوندي سيمو ته کډې کړي اؤ پوځ دعوه کوي چې دضرب عضب عملياتو په نتيجه کې يې دشمالي وزيرستان د٩٠ فيصده برخې نه ترهه گر پاک کړي دي.
