سرچينې وائي دافغانستان پولې ته نزدې دپاکستان دقبائيلي سيمې خيبرايجنسۍ په لرې پرته علاقه تيراه کې ترسره شوؤ فضائي حملو کې لږ ترلږه ١١ شکمن جنگيالي وژل شوي دي.
دسرکاري سرچينو ترمخه دکوکيل خيل په تور دره، سورکڅ ، سرا ويلا اؤ وچو ويني ع سيمو کې پوځي جنگي الوتکو دتندلارو په شکمنو ځالو بمباري کړې چې په نتيجه کې يې دطارق افريدي ډلې سره تعلق لرونکي ٨ جنگيالي وژل شوي دي.
همدغه شان دملک دين خيل په ناکائي اؤ دقمبرخيل په گاري سيمه کې همدغه شان فضائي حملو کې دلشکراسلام سره تعلق لرونکي درې جنگيالي وژل شوي دي، پينځه ځالې هم تباه شوي دي.
داکاخيل درو اډه سيمه کې امنيتي ځواکونو دکرفيو په خلاف ورزۍ ډزې کړي چې په نتيجه کې يې يو اولسي وگړى وژل شوى دى.
امنيتي ځواکونو تيره مياشت خيبرايجنسۍ کې دشمالي وزيرستان نه دورتښتيدلو اؤ سيمه کې دفعاله تندلارو په ضد عمليات پيل کړي چې پکې پوځ دلسگونو جنگيالو دوژلو دعوه کړې ده.
