لاس رسیدونکی لینک

امريکا دولت اسلاميه سره دائتلافيانو په ملگرتيا جنگ کوي،صدراوباما


دامريکا صدر براک اوباما وائي په شام اؤ عراق کې ددولت اسلاميه خلاف جنگ يواځې دامريکې جنگ نۀ دى، دخالي په ورځ پخپل اوونيز خطاب کې امريکائي صدر وويل امريکا دغو جنگيالو سره دخپلو شراکت دارانو اؤ ائتلافيانو په مدد سره جنگيږي.

صدر اوباما وويل عراق لپاره چې هغه دکومو امريکائي عسکرو حکم کړى هغه به عراقي اؤ کرد عسکرو ته تربيت ، اؤ په ځمکه ددغو ترهه گرو سره دجنگيدو لپاره هغوي ته پکار انټلي جنس اؤ سازوسامان ورکوي.

دامريکا صدر وويل امريکا دنيغ لارې لارښوونه کوي ځکه دعرب قامونو په گډون " اتحاد" کې نور قامونه شامليږي.

صدر اوباما وويل ددولت اسلاميه دجنگيالو نه دپيښې خطرې خلاف مهم نړۍ ته دامريکائي قيادت غوره مظاهره ښائي.

له دې وړاندې امريکائي صدر دولت اسلاميه نومې ترهه گريزه ډله لويه خطره گرځولې اؤ وئيلي وؤ چې ددغه ډلې دتباه کولو ضرورت دى اؤ دهغه په قول امريکائي جنگي الوتکو ته يې په دغه ډله دبمبارۍ حکم هم کړى.

دامريکا دخفيه ادارې سي ائي اى وينا ده چې عراق اؤ شام کې ددولت اسلاميه دجنگيالو شميره دشلو زرو نه نيولې د٣١٥٠٠ پورې کيدى شي.

XS
SM
MD
LG