لاس رسیدونکی لینک

بلوچستان : وسله والو څلور کسان وژلي


دپوليسو ترمخه کوهلو ضلع کې نامعلومو وسله والو په تمبو روډ وسله وال يو کور ته وردننه شول چې له امله يې دوه وروڼه محمد خير اؤ ميرمحمد ووژل شول.

دپاکستان دبلوچستان صوبې مختلفو علاقو کې دډزو پيښو کې څلور کسان وژل شوي اؤ دوه نور ژوبل شوي دي.

دپوليسو ترمخه کوهلو ضلع کې نامعلومو وسله والو په تمبو روډ وسله وال يو کور ته وردننه شول چې له امله يې دوه وروڼه محمد خير اؤ ميرمحمد ووژل شول.

همدغه شان ډيره مرادجمالي کې په موټر سائيکل سائيکل سورو وسله والو په يو کنټينر ډزې کړي چې پکې ډائيور وژل شوى اؤ دوه کسان ژوبل شوي دي.

ددغه پيښې خلاف ډرائيورانو احتجاجاً دکوئټې جيکب اباد سړک تړلى دى.

همدغه شان قلعه عبدالله کې هم نامعلومو وسله والو په ډزو سره يو تن وژلى دى.

دتيرې يوې اوونۍ راهسې دبلوچستان مختلفو علاقو کې دوسله والو لخوا حملو کې تر ډيره حده اضافه راغلې ده اؤ تيره ورځ هم دبلوچستان په اواران اؤ سرښار کوئټه کې دډزو په دوؤ مختلفو پيښو کې لږ ترلږه ٩ کسان وژل شوي اؤ ٨ ژوبل شوي اؤ ددې ترڅنگ څو ورځې وړاندې هم په کوئټه کې ديوې خبري ادارې په دفتر حمله کې ددوؤ صحافيانو په گډون درې کسان وژل شوي وؤ.

XS
SM
MD
LG