دپاکستان دپوځ سرلښکر جنرل راحيل شريف دموجوده(کړکيچن) صورتحال هواري لپاره په حکومت دمذاکراتو لپاره زور راوړى دى.
راپورونه وائي چې دپنجاب وزيراعلي شهباز شريف دراولپينډۍ په جنرل هيډکوارټرز(جي ايچ کيو) کې جنرل راحيل شريف سره دملک په موجوده سياسي صورتحال خبرې اترې کړي دي.
سرچينې وائي په دغه موقع دپوځ سرلښکر دپنجاب وزيراعلي ته وويل زر تر زره دمعاملو هواري لپاره دې داړونده خواؤ سره مقصدي مذاکرات وکړي.
دپوځ سرلښکر په حکومت دمعاملو دهواري لپاره دغه زور په داسې حال کې راوړى چې داپوزيشن ګوند مشر عمران خان حکومت سره دوزيراعظم نواز شريف داستعفي ورکولو پورې دڅه قسمه خبرو نه انکار کړى.
تيره ورځ هم دپاکستاني پوځ وياند ميجر جنرل عاصم سليم باجوه پخپل يو بيان کې دموجوده کړکيچن صورتحال دهواري لپاره په دواړو خواؤ(حکومت اؤ احتجاج کوونکو مخالفو ډلو) دخبرو اترو کولو وينا کړې وه.