لاس رسیدونکی لینک

پيښور: دطوفاني باران په وجه دمړو شمير ١٨ؤ ته رسيدلى


دافتونو په مهال دمرستو صوبائي ادارې( پي ډي ايم اى) ترمخه دجمعې په ماذيگر پيښور کې دتيزۍ سيلۍ سره په شيبو باران اؤ ږلۍ وريدلې چې په نتيجه کې يې دښا مختلفو علاقو کې دکورونه ديوالونه اؤ چتونه غورځيدلي وؤ.

راپورونه وائي دخيبرپښتونخوا صوبې سرښار پيښور کې تيره ورځ دسخت طوفاني باران اؤ ږلۍ وريدو په وجه دمړو شوؤ کسانو شميره ١٨ؤ ته رسيدلې اؤ د٧٠ؤ نه زيات خلک ژوبل شوي هم دي.

دافتونو په مهال دمرستو صوبائي ادارې( پي ډي ايم اى) ترمخه دجمعې په ماذيگر پيښور کې دتيزۍ سيلۍ سره په شيبو باران اؤ ږلۍ وريدلې چې په نتيجه کې يې دښا مختلفو علاقو کې دکورونه ديوالونه اؤ چتونه غورځيدلي وؤ.

دمرگ ژوبلې دغه پيښې دپيښور په نوتهيه،فقيراباد،وزيرباغ، لاهوري گيټ،پهندو،بيرسکو،لنډي سړک، دير کالونۍ ، اخون اباد، هزارۍ خوانۍ، گل اباد، شريف اباد، وحيد ابادلړمه نورو علاقو کې رامينځته شوي دي.

سرچينې وائي تر ټولو زيات پينځه کسان دپيښور په وزيرباغ سيمه کې مړۀ شوي دي.

دسخت باران وريدو له امله دښار په مختلفو سيمو کې باراني اوبۀ هم جمع شوي اؤ دبجلۍ دنظام دمتاثره کيدو په وجه گڼو سيمو کې خلک دبجلۍ نه هم محروم دي.

ښار کې دباران لړۍ په دمې ، دمې سره اوس هم روانه ده.

دپاکستان په څلورو واړو صوبو خيبرپښتونخوا، سندهـ،پنجاب اؤ بلوچستان کې کال ٢٠١٠م کې سيلابونه راغلي وؤ چې په نتيجه کې يې ٢٠ ملينه خلک اغيزمن شوي وؤ اؤ ددې ترڅنگ دوه زره کسان مړۀ شوي هم وؤ.

دخيبرپښتونخوا گورنر سردار مهتاب احمدخان اؤ وزيراعلي پرويز خټک خپلو بيلا بيلو بيانونونو کې پيښور کې دجمعې په ورځ دسخت باران په نتيجه کې اولسي وگړو ته په اوړيدلې مرگ ژوبله دخفگان څرگندونه کړې اؤ ضلعي انتظاميې ته يې وينا کړې چې اغيزمنو خلکو لپاره دې ټولې اسانۍ برابر کړل شي.

XS
SM
MD
LG