لاس رسیدونکی لینک

کوئټه :وسله والو دماشوم په گډون دوه کسان وژلي


سپرنټډنټ اف پوليس( ايس پي) عمران قريشي ددغه پيښې په اړه ميډيا سره خبرو کې وئيلي دي چې نامعلومو وسله والو په يوه رکشه ډزې شروع کړې اؤ دهغې ډرائيور يې ووژلو اؤ زياته يې کړه چې په کوڅه کې په لوبو مشغول يو ماشوم هم دغه پيښه کې وژل شوى دى.

پوليس وائي چې دپاکستان دبلوچستان صوبې سرښار کوئټې په پښتون اباد سيمه کې دجمعې په ورځ دډزو په يوه پيښه کې ديو ماشوم په گډون دوه کسان وژل شوي دي.

سپرنټډنټ اف پوليس( ايس پي) عمران قريشي ددغه پيښې په اړه ميډيا سره خبرو کې وئيلي دي چې نامعلومو وسله والو په يوه رکشه ډزې شروع کړې اؤ دهغې ډرائيور يې ووژلو اؤ زياته يې کړه چې په کوڅه کې په لوبو مشغول يو ماشوم هم دغه پيښه کې وژل شوى دى.

دپيښې وروستو بريدکوونکي تيښته کې بريالي شوي اؤ سيمې ته په گڼ شمير کې دامدادي ډلو کارکوونکي اؤ پوليس عسکر رسيدلي اؤ دوژل شوؤکسانو مړي يې هسپتال ته رسولي دي.

دپوليسو مشر وويل چې ددغه پيښې وجه نۀ ده معلومه شوې.

دډزو دپيښې وروستو سيمه کې سخته ويره ترهه خوره شوې ده، څو ورځې دمخه هم په ياده شوې سيمه کې ديوې کورنۍ څلور کسان په ډزو سره وژل شوي وؤ.

ددغه حملې ذمه واري تر دې مهاله چا په غاړه نۀ ده اخستې.

دزيارت په ورځ هم دکوئټې په اسپني روډ وسله والو دوه کسان په ډزو سره وژلي وؤ.

XS
SM
MD
LG