پيښور —
پوليس وائي دپاکستان دبلوچستان صوبې سرښار کوئټه کې دجمعې په ورځ وسله والو دوه پوليس عسکر وژلي دي.
سپرنډنټ اف پوليس( ايس پي) عمران خان ددغه پيښې په اړه ميډيا سره خبرو کې وئيلي دي چې تندلارو دکوئټې په نوي سرياب سيمه کې په پوليسو حمله کړې ده.
قريشي وويل دغه حمله کې يو پوليس په موقع وژل شوى اؤ بل هسپتال ته درسول کيدو په مهال لاره کې ساه ورکړې ده.
دپيښې وروستو سيمې ته په گڼ شمير کې امنيتي ځواکونونه اؤ امدادي ډلې رسيدلي اؤ ژوبل کسان يې دعلاج لپاره يو مقامي روغتون ته رسولي اؤ حمله کوونکي دبريد وروستو تيښته کې بريالي شوي دي.
تر دې مهاله ددغه پيښې مسؤليت چا په غاړه نۀ دى اخستى ، خو په تيرو وختونو کې دبلوچستان مختلفو سيمو کې په پوليسو دشوؤ حملو ذمه واري بلوڅ بيلتون خوښو په غاړه اخستې.
