لاس رسیدونکی لینک

بلوچستان : دامنيتي ځواکونو عملياتو کې ٨ جنگيالي وژل شوي دي


دايف سي دغه وياند وائي چې دتندلارو اؤ امنيتي ځواکونو ترمينځ نښته تر څو ساعتو روانه وه اؤ هغه په دغه مهال دځينو جنگيالو دنيولو دعوه هم کړې ده.
چارواکي وائي دپاکستان د ناقراره صوبې بلوچستان اؤ سندهـ په سرحدي سيمه پټ فيصدر کې مليشه اؤ رينجرز ځواکونو لخوا ترسره شوؤ گډو عملياتو کې ٨ جنگيالي وژل شوي دي.
دمليشه ځواکونو ديو وياند خان واسع وينا ده چې دجنگيالو اؤ امنيتي ځواکونو ترمينځ نښته کې دايف سي درې عسکر هم ژوبل شوي چې دعلاج لپاره روغتون ته رسول شوي دي.
دايف سي دغه وياند وائي چې دتندلارو اؤ امنيتي ځواکونو ترمينځ نښته تر څو ساعتو روانه وه اؤ هغه په دغه مهال دځينو جنگيالو دنيولو دعوه هم کړې ده.
هغه تور لگولى چې وژل شوي اؤ نيول شوي تندلاري په قومي تنصيباتو اؤ امنيتي ځواکونو حملو کې ککړ دي.
دپاکستان په بلوچستان ايالت کې دتيرو څو کلونو راهسې دبلوڅ ملت پالو اؤ امنيتي ځواکونو ترمينځ جنجال روان دى.
دبلوچستان ملت پاله ډلې دريځ لري چې هغوي ته دخپلې خاورې په وسائلو واک نۀ ورکړل کيږي اؤ استخباراتي ادارې دبلوچستان څخه په پټه دخپلو حقونو دپاره غږ پورته کوونکي تښتوي اؤ بيا يې وژني.
خو دپاکستان امنيتي ځواکونه ددغه تور منلو ته تيار نۀ دي.
XS
SM
MD
LG