لاس رسیدونکی لینک

شمالي وزيرستان : دجنگي الوتکو بمبارۍ کې ٦٠ جنگيالي وژل شوي


دسرچينو وينا ده چې دگن شپ هيلي کاپټرو اؤ جنگي الوتکو څخه دشمالي وزيرستان دميرعلي تحصيل په موسکۍ، زړه ميله ، ايسوړي ، پتاسي اډه او حيدرخيلو کې د وسله والو جنگيالو پټ ځايونه په نخښه کړل شوي دي.
راپورونه وائي دپاکستان په قبائيلي سيمه شمالي وزيرستان کې پوځ دگن شپ هيلي کاپټرو اؤ جنگي جهازونو څخه دشورو په سحر وختي ترهه گرو په شکمنو ځالو گوله باري اؤ بمباري کړې چې له امله يې ٦٠ جنگيالي وژل شوي اؤ ٨٠ نور سخت ژوبل شوي دي.
دسرچينو وينا ده چې دگن شپ هيلي کاپټرو اؤ جنگي الوتکو څخه دشمالي وزيرستان دميرعلي تحصيل په موسکۍ، زړه ميله ، ايسوړي ، پتاسي اډه او حيدرخيلو کې د وسله والو جنگيالو پټ ځايونه په نخښه کړل شوي دي.
همدغه شان د ميران شاه په بيگان ، بويه او ماچسو علاقو کې هم د جيټ الوتکو او گن شپ هيلي کاپټرو د لارې د وسله والو په پټو ځالو بمباري شوې ده.
د امنيتي سرچينو ترمخه په دغو عملياتو کې د ۵۰ ؤ څخه زيات شکمن جنگيالي وسله وال وژل شوي ، چې پکې بهر ملکيان هم شامل دي، خو بيا
د ځايي خلکو په وينا په علاقه کې د تېرې نيمې شپې راهسې د جيټ الوتکو او گن شپ هيلي کاپټرو بمباري روانه ده
سرچينې وائي چې دسختې بمبارۍ په نتيجه کې دمړو دشميرې دزياتيدو انديښنه ده اؤ زياتوي چې په سيمه کې دگن شپ هيلي کاپټرو اؤ جيټ الوتکو څخه تر ډيره ساعته گوله باري روانه وه اؤ دمارټر گولې هم فائر کړل شوي.
دپاکستاني پوځ دمطبوعاتي څانگې( ائي ايس پي ار) په دغه کارروايۍ کې تر دې دمه يواځې د٣٢ؤ جنگيالو دوژل کيدو پخلى کړى چې پکې ځينې مرکزي کمانډران اؤ بهرني جنگيالي هم شامل دي.
پوځي سرچينې وائي چې دغه فضائي حملې داستخباراتي معلوماتو په اساس ترسره شوي اؤ په حملو کې وژل شوي جنگيالي پيښور، باجوړ اؤ مهمند ايجنسو کې په بريدونو کې هم ککړ دي.
سرچينې په عملياتو کې د طالبانو د درې مهمه کمانډرانو د وژنې ادعا هم کوي خو په دغې اړه کره معالومات مخې ته نه دي راغلي
په شمالي وزيرستان کې دغه ستر عمليات په پاکستان کې دپوځي عملياتو د مشر ميجر جنرل عامر رياض لخوا تيره ورځ دپاکستان وزيراعظم ،دپوځ سرلښکر اؤ نور چارواکو ته په قبائيلي سيمو کې دپټو تندلارو دفعاليتونو اؤ دهغوي دشکمنو ځالو څخه هيواد ته دپيښو گواښونو په اړه دحال احوال تيرولو وروستو ترسره شوي.
په دغه مهال د پوځ سرلښکر جنرال راحيل شريف وزيراعظم نوازشريف ته هغه احوال هم تېر کړی ، چې نوموړي دوه ورځې وړاندې د کابل دوره کړې وه او د افغانستان د قائم مقام صدر يونس قانوني ، د دفاع وزير بسم الله خان ، د افغانستان د پوځ سرلښکر جنرال شير محمد کريمي او افغانستان کې د نړيوالو ځواکونو د مشر کمانډر جنرال جوزف ډينفورډ سره يې ليدلي ، او د دواړو هيوادونو په پوله د امنيت ترڅنگ يې ورسره په دوه اړخيزه نورو امورو خبرې کړې وې
شمالي وزيرستان کې نن د جنگيالو په ضد د ترسره شوؤ فضائي عملياتو وروستو پوليټيکل انتظاميې په سيمه کې د نامعلومه وخته پورې کرفيو لگولې ده
شمالي وزيرستان کې تراوسه پورې د وسله والو په ضد ترسره شوؤ عملياتو کې تازه فضائي عمليات تر ټولو په غټه کچه بلل کيږي . او دغه عمليات په داسې حال کې شوي ، چې دوه ورځې وړاندې د ډير اسماعيل خان سيمې نه يو چينائي سېلگری تښتول شوی ، او طالبانو د دغه کس د تښتولو ذمه واري قبوله کړې وه
په ١٧م اپريل تحريک طالبان پاکستان اعلان کړى ؤ چې حکومت سره د٤٠ؤ ورځو په اوربند کې پراختيا نۀ کوي خو په ډاگه کړې يې وه چې دمذاکراتو لاره به پرانستې ساتي.
وروستو دوزيراعظم نواز شريف په مشرۍ دقومي سلامتۍ په اړه دکابينې دکميټۍ په غونډه کې پريکړه وشوه چې طالبانو سره به دامن عمل دوامداره ساتلى شي
XS
SM
MD
LG