لاس رسیدونکی لینک

حکومتي کميټۍ وزيراعظم ته وئيلي طالبانو سره خبرې په مخکې نۀ شي وړلى


دپاکستان دحکومت اؤ طالبانو ترمينځ دخبرو اترو دغه روان عمل ته وروستو له هغې سخته ضربه ورسيده چې طالبانو لمړى په کراچۍ کې دپوليسو په يو بس شوې بمي چاؤدنه کې د١٣ؤ اؤ بيا مهمند ايجنسۍ کې دمليشه ځواکونو د٢٣ؤ عسکرو دوژنې ذمه واري په غاړه واخسته
دپاکستان دحکومت له لوري دغيرقانوني تندروه ډلې تحريک طالبان پاکستان سره دمذاکراتو لپاره جوړې کړل شوې حکومتي مذاکراتي کميټۍ وئيلي دي چې ترڅو دطالبانو له لوري هيواد کې دتشدد څخه ډکې کارروايۍ نۀ وي اودريدلي ، تر هغې دطالبانو دمذاکراتي کميټۍ سره دخبرو اترو هيڅ گټه نشته.
دپاکستان وزيراعظم ميا نواز شريف دتيرې مياشتې په پايې کې قومي اسمبلۍ ته دوينا په مهال طالبانو سره دمذاکراتو لپاره په داسې وخت کې دڅلور کسيزې مذاکراتي کميټۍ اعلان کړى ؤ چې دميډيا راپورونو کې اندازې څرگندولى شوې په بنو اؤ راولپينډۍ کې په پاکستاني عسکرو دشوې بمي چاؤدنې اؤ ځانمرگي بريد دپړې قبلولووروستو به وزيراعظم دتندلارو په ضد په لويه پيمانه دپوځي عملياتو اعلان وکړي.
که هر څو تيرکال دنومبر په مياشت کې شمالي وزيرستان کې دډرون په يوه حمله کې دطالب مشر حکيم الله محسود دوژل کيدو وروستو دطالبانو نوي سخت دريځ مشر حکومت سره دخبرو څخه انکار کولو ، خو دې وروستو ورځو کې دهيواد په بيلا بيلو سيمو کې دحملو دذمه وارۍ قبلولو ترڅنگ طالبانو حکومت ته دمذاکراتو وړانديز هم کولو اؤ دخبرو لپاره دحکومتي کميټۍ دټاکل کيدو وروستو يې دخپله اړخه دمذاکراتي کميټۍ اعلان هم وکړو.
خو دپاکستان دحکومت اؤ طالبانو ترمينځ دخبرو اترو دغه روان عمل ته وروستو له هغې سخته ضربه ورسيده چې طالبانو لمړى په کراچۍ کې دپوليسو په يو بس شوې بمي چاؤدنه کې د١٣ؤ اؤ بيا مهمند ايجنسۍ کې دمليشه ځواکونو د٢٣ؤ عسکرو دوژنې ذمه واري په غاړه واخسته.
دنهې په ورځ اسلام اباد کې حکومتي کميټۍ دپاکستان دوزيراعظم ميا نواز شريف سره ليدنه کړې اؤ هغه ته يې دطالبانو له لوري مذاکراتو لپاره دنومول شوې کميټۍ سره تر دې مهاله دشوؤ خبرو اترو دهڅو په اړه حال احوال تير کړى.
دسرچينو وينا ده په دغه موقع حکومتي کميټۍ وزيراعظم نواز شريف ته وويل ترڅو چې دطالبانو له لوري هيواد کې دتشدد څخه دډکو کارروائيو لړۍ په مکمله توگه نۀ وي اودريدلې ، تر هغې دمذاکراتو عمل مخ په وړاندې نۀ شي تللى.
سرچينې زياتوي حکومتي کميټۍ نواز شريف ته دا هم وويل چې دسندهـ سرښار کراچۍ اؤ دپاکستان قبائيلي سيمه مهمند ايجنسۍ کې دطالبانو له لوري دلسگونو عسکرو دوژنې وروستو دمذاکراتو عمل ته سخت زيان رسيدلى.
دسرچينو وينا ده چې حکومتي کميټۍ وزيراعظم ته وويل دتيرو ١٣ؤ ورځو په مهال دطالبانو له لوري دترهه گرۍ گڼې پيښې رامينځته شوي اؤ په داسې صورتحال کې به دطالبانو کميټۍ سره مذاکرات بې گټې وي.
وزيراعظم نوازشريف سره لۀ ليدو وروستو حکومتي کميټۍ پخپله يوه اعلاميه کې وئيلي د طالبانو له خوا مداکراتو دپاره جوړې شوې کميټۍ سره خبرې نۀ شي کولى.
اعلاميه کې ويل شوي د امن د ټنيگښت دپاره د سنجيده هڅو ټول انحصار د اړي گړي په پيښو اودرولو دى
حکومتي کميټۍ د طالبانو څخه غوښتنه کړې ده چې په سمدستي ډول بايد د اړي گړي لړۍ اودروي.
اعلاميه کې په ډاگه کړل شوې چې وزيراعظم ته يې وئيلي ترڅو چې طالبانو پرتشدده کاروائيو څخه لاس نۀ وي اخستى ترهغې دخپلو لړۍ په وړاندې نه شي وړلى.
بلخوا دپاکستاني طالبانو دتحريک ( ټي ټي پي) وياند شاهدالله شاهد دنهې په ورځ وئيلي دي چې داوربند په اړه دفيصلې کولو لپاره دټي ټي پي دمختلفو ډلو سره رابطه شوې ده.
ميډيا سره خبرو کې شاهدالله شاهد وئيلي دي چې په دغه اړه به فيصله ډير زر وشي اؤ زياته يې کړه چې دهغوي ډله دمذاکراتو روان عمل په سنجيدگۍ سره اخلي.
مهمند ايجنسۍ کې د٢٣ؤ ايف سي دعسکرو دوژنې په اړه شاهدالله شاهد وويل ددغه وژنو سپيناوى ضروري دى اؤ زياته يې کړه چې دغه معامله دټي ټي پي په شورا کې تر غور لاندې راځي.
هغه وويل دامن خبرو دکاميابۍ لپاره ددغه شان پيښو څخه ډډه پکار ده.
XS
SM
MD
LG