اسلام آباد کې د امرېکې پخوانی سفیر ویلیم بې مائیلم وائی پاکستان د امریکې یو نزدې ملگری هیواد دی او دغلته چې کله هم سیاسي اړی گړی وی او یا اقتصادي مشکلات نو دا د واشنگټن دپاره د فکر مندۍ خبره وي.
وائس اف امریکا ډیوه ریډیو سره د پاکستان په موجوده سیاسي حالاتو د خبرو اترو په وخت ویلیم مائیلم وویل چې امریکا د ترهگرۍ او تندورۍ خلاف جنگ کې د پاکستان رول مهم بولي او غواړي چې هیواد کې بې ثباتي نه وي.
پاکستان کې د پوځ د کردار په هکله هغه وویل چې پوځ شمالي وزیرستان کې د وسله والو خلاف جنگ کې بوخت دی او د حکومت کنټرول او یا اقتدار اخیستل په روانو حالاتو کې کیدی شی چې غوره نه کړي.
حکومت خلاف د پاکستان تحریک انصاف مشر عمران خان او د پاکستان عوامي تحریک مشر طاهر القادري د کوششونو په هکله ویلیم بې مائیلم وویل دا د احمقانو کارونه دي او داسې نه ښکاري چې حکومت به د وخت نه وړاندې انتخابات وکړي.
ویلیم بې مائیلم سره د ډیوه ریډیو خبریال افتخارحسین مرکه کړې ده تاسو يي دلته اوریدی شۍ